الەم • 04 قازان، 2021

جاپونيادا جاڭا ۇكىمەت قۇرامى بەكىتىلدى

66 رەت كورسەتىلدى

جاپون يمپەراتورى نارۋحيتو پرەمەر-مينيستر فۋميو كيشيدا باسقاراتىن جاڭا جاپون ۇكىمەتىنىڭ قۇرامىن بەكىتتى، دەپ جازادى Egemen.kz.

كيودو اقپاراتتىق اگەنتتىگىنىڭ حابارلاۋىنشا، رەسمي ءراسىم توكيوداعى يمپەراتور سارايىندا ءوتتى.

«يمپەراتوردىڭ مينيسترلەر كابينەتىن بەكىتۋى جاپونيا كونستيتۋتسياسىنا سايكەس جۇزەگە اسادى. سالتاناتتى ءراسىم كەزىندە مينيسترلەر كەزەكپەن يمپەراتوردان تاعايىنداۋ تۋرالى ارنايى قۇجات الادى. شاراعا پارلامەنتتىڭ قوس پالاتاسىنىڭ سپيكەرلەرى مەن بۇرىنعى پرەمەر-مينيستر يوشيحيدە سۋگا قاتىستى»، دەلىنگەن حابارلامادا.

سىرتقى ىستەر ءمينيسترى توشيميتسۋ موتەگي مەن قورعانىس ءمينيسترى نوبۋو كيشي كيشيدا ۇكىمەتتەگى قىزمەتىن ساقتاپ قالدى. ءبىلىم، مادەنيەت، سپورت، عىلىم جانە تەحنولوگيا مينيسترلىگىن باسقارعان كويچي حاگيۋدا ەكونوميكا، ساۋدا جانە ونەركاسىپ مينيسترلىگىن باسقاردى.

سونىمەن قاتار، جاپونيانىڭ جاڭا پرەمەر-ءمينيسترىنىڭ  ۇكىمەتىنە ءۇش ايەل مينيستر كىردى. بيلىكتەگى ليبەرالدى-دەموكراتيالىق پارتيانىڭ (لدپ) پرەزيدەنتى بولۋ ءۇشىن كيشيدامەن تالاسقان سەيكو نودا ايماقتىق ىستەر ءمينيسترى بولىپ تاعايىندالدى. جاڭادان قۇرىلعان ۇكىمەتتىڭ تسيفرلاندىرۋ مينيسترلىگىن كارەن ماكيشيما باسقارادى، ال نوريكو حوريۋچي ەلدىڭ كوروناۆيرۋسقا قارسى جۇرگىزىلىپ جاتقان ۆاكتسيناتسياسىن باقىلايدى.

قارجى مينيسترلىگىنىڭ جاڭا باسشىسى توكيوداعى وليمپيادا جانە پاراليمپيادا ويىندارىنا جاۋاپتى بۇرىنعى مينيستر شۋنيچي سۋزۋكي بولدى. تاكايۋكي كوباياشي ەكونوميكالىق قاۋىپسىزدىك ءمينيسترى بولدى. 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار