«قر يندۋستريا جانە ينفراقۇرىلىمدىق دامۋ مينيسترلىگىنىڭ ۇجىمى «قر اۆتوكولىك قىزمەتكەرلەرى وداعى» باسقارماسىنىڭ توراعاسى, قازاقستان رەسپۋبليكاسىنىڭ بۇرىنعى كولىك جانە كوممۋنيكاتسيا ءمينيسترى سەرىك قاراباتىر ۇلى اليگۋجينوۆتىڭ وتباسى مەن تۋىستارىنىڭ قايعىلارىنا ورتاقتاسىپ كوڭىل ايتادى. سەرىك قاراباتىر ۇلى 3 قازاندا قايتىس بولدى», دەلىنگەن قر يدم ءباسپاسوز قىزمەتىنىڭ حابارلاماسىندا.

سەرىك اليگۋجينوۆ 1944 جىلى پاۆلودار وبلىسىندا دۇنيەگە كەلگەن. ول پاۆلودارداعى №2564 اۆتوكوللونا مەحانيگىنەن كولىك جانە كوممۋنيكاتسيا مينيسترىنە دەيىن كوتەرىلگەن. مينيسترلىكتى جاڭا استاناعا كوشىرۋ كەزىندە باسقاردى, كولىك جانە بايلانىس سالاسىندا جۇيە قۇرۋشى كاسىپورىندار قۇرىلۋىنىڭ نەگىزىن قالادى.

زەينەتكە شىققاننان كەيىن سەرىك قاراباتىر ۇلى قر اۆتوكولىك قىزمەتكەرلەرى وداعىن باسقاردى. ەلىمىزدىڭ ساياسي, الەۋمەتتىك جانە ەكونوميكالىق دامۋىنا قوسقان زور ۇلەسى ءۇشىن كسرو حالىقتارى دوستىعى وردەنىمەن, «قۇرمەت» جانە «پاراسات» وردەندەرىمەن ماراپاتتالدى, قالانىڭ الەۋمەتتىك-ەكونوميكالىق دامۋىندا قوسقان ەڭبەگى ءۇشىن پاۆلودار قالاسىنىڭ قۇرمەتتى ازاماتى اتاندى.