ە.رىباكينا شيرەك فينالدا الەمنىڭ 12-ءىنشى, وسى جارىستىڭ 3-راكەتكاسى, شۆەيتساريالىق بەليندا بەنچيچپەن كۇش سىناستى. توكيو وليمپياداسىندا جارتىلاي فينالدا ە.رىباكينا وسى تەننيسشىدەن ۇتىلىپ قالعان ەدى.
بۇل جولى ءبىرىنشى پارتيادا قازاقستاندىق تەننيسشى باسىمدىلىق تانىتتى – 6:4. ەكىنشى سەتتە ەسەپ 1:3 بولعان مەزەتتە ب.بەنچيچ ماتچتى جالعاستىرۋدان باس تارتتى. ءبىر ساعاتتان استام ۋاقىتقا سوزىلعان باسەكەدە ە.رىباكينا 11 ەيس جاساپ, 3 برەيك-پوينتتى تۇگەل پايدالاندى.
قارسىلاسى 6 ەيس, 1 برەيكپەن (3 برەيك-پوينت) شەكتەلدى. جۇلدە قورى 565 مىڭ اقش دوللارىنان اساتىن دودانىڭ فينالىنا شىعۋ ءۇشىن ە.رىباكينا الەمنىڭ 16-ىنشى, وسى ءتۋرنيردىڭ 4-راكەتكاسى, تۋنيس وكىلى ونس جابەرمەن تالاسادى.
و.جابەر شيرەك فينالدا الەمنىڭ التىنشى, چيكاگو جارىسىنىڭ 1-راكەتكاسى, ۋكراينالىق ەلينا سۆيتولينادان ايلاسىن اسىرىپ كەتتى – 6:4, 6:2.
