«پاۆلودار وبلىسىندا قالا اكىمىنىڭ ورىنباسارى مەن قالالىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ لاۋازىمدى تۇلعالارىنا قاتىستى سوتالدى تەرگەۋ جۇرگىزىلىپ جاتىر.
ولار مەملەكەتتىك ساتىپ الۋ جانە ورىندالعان جۇمىستار اكتىسىنە كەدەرگىسىز قول قويعانى ۇشىن مەردىگەرلىك ۇيىمداردان جۇيەلى تۇردە پارا الدى دەگەن كۇدىككە ءىلىندى», دەدى سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەرى بويىنشا تەرگەۋشىسى قايسار بارجاقسىنوۆ.
انتيكور مالىمەتىنشە, كۇدىكتىلەردىڭ كىنالىلىك دارەجەسىن انىقتايتىن تۇپكىلىكتى شەشىمدى سوت شىعارادى. وزگە اقپارات قىجك-ءنىڭ 201-بابىنا سايكەس تەرگەۋ مۇددەسىندە جاريالاۋعا جاتپايدى.
