بۇل تۋرالى Reuters اگەنتتىگى مالىمدەدى.
ەممانۋەل داپيدران پاكياو (مەنني پاكياو) سايلاۋ ورگانىنا ۇمىتكەرلىگىن ۇسىنۋ تۋرالى كۋالىك تاپسىرعان. سايلاۋعا سپورتشى بيلىكتەگى «فيليپپين دەموكراتيالىق پارتياسى - حالىقتىق بيلىك» (PDP-Laban) اتىنان قاتىسادى.
«مەنىڭ باستى مىندەتىم - ەكونوميكانى قالپىنا كەلتىرۋ ءۇشىن پاندەميامەن كۇرەسۋ», دەدى ول.
تىركەۋ عيماراتىنا بارار جولدا پاكياونى جول شەتىندە ونداعان جاقتاسى قارسى العانى ايتىلادى.
پاكياو پرەزيدەنتتىككە ۇمىتكەرلەر اراسىندا ءتورتىنشى ورىندا ەكەنىن كورسەتىپ, «كەدەيلەردىڭ داۋىسى ەستىلمەگەنىن» ايتتى.
2016 جىلدان بەرى بوكستان بۇرىنعى الەم چەمپيونى ەلدىڭ سەناتورى قىزمەتىن اتقارعان. فيليپپين پرەزيدەنتىنە سايلاۋ 2022 جىلى 9 مامىردا وتەدى.
بۇعان دەيىن مەنني پاكياو كاسىبي كارەراسىن اياقتاعانى تۋرالى حابارلاعان بولاتىن. فيليپپيندىك بوكسشىنىڭ ەل پرەزيدەنتى سايلاۋىنا تۇسەتىنى بەلگىلى بولدى.
