جۇيە مەملەكەتتىك ورگاندارعا, جەكە جانە زاڭدى تۇلعالارعا ارنالعان.
«سەرۆيس ستاتيستيكالىق دەرەكتەردى ۇسىنۋ پروتسەسىن جەڭىلدەتىپ, ەلەكتروندىق انىقتامالاردى الۋ مەرزىمىن قىسقارتادى. ەگەر وسىعان دەيىن قاعاز جۇزىندەگى اقپاراتتى الۋ ءۇشىن ورتا ەسەپپەن 2-دەن 5 جۇمىس كۇنىنە دەيىن ۋاقىت كەتسە, جاڭا جۇيە قاجەتتى انىقتامانى سول مەزەتتە ۇسىنا الادى», دەپ حابارلادى ۇلتتىق بانك.
جاڭا سەرۆيستىڭ كومەگىمەن پايدالانۋشىلار:
- تاڭدالعان كۇنگە نەمەسە كەزەڭگە ۇلتتىق ۆاليۋتانىڭ شەتەل ۆاليۋتالارىنا قاتىستى كۇندەلىكتى رەسمي باعامى بويىنشا انىقتاما;
- ۇلتتىق ۆاليۋتانىڭ شەتەل ۆاليۋتالارىنا قاتىستى رەسمي باعامى بويىنشا ءبىر ايداعى ورتاشا انىقتاماسى;
- تاڭدالعان كۇنگە نەمەسە كەزەڭگە ۇلتتىق بانك بازالىق مولشەرلەمەسىنىڭ (قايتا قارجىلاندىرۋدىڭ رەسمي مولشەرلەمەسىنىڭ) كولەمى تۋرالى انىقتاما;
- بەلگىلى ءبىر كۇنگە بەلگىلەنگەن شەتەل ۆاليۋتالارىنىڭ ۇلتتىق ۆاليۋتاعا رەسمي باعامدارى تۋرالى اقپاراتتىق حابارلاما الا الادى.
ەلەكتروندىق انىقتامالاردى الۋ ءۇشىن ۆەب-پورتالدا تىركەلۋ مىندەتتى ەمەس, ولاردىڭ تۇپنۇسقاعا سايكەستىگى قۇجاتتاعى QR-كود ارقىلى راستالادى.
سەرۆيس ستاتيستيكالىق اقپاراتتى الۋدىڭ قوسىمشا ءادىسى ەكەنىن ەسكەرگەن ءجون. جەكە جانە زاڭدى تۇلعالار بۇرىنعىداي زاڭنامامەن بەلگىلەنگەن مەرزىمدە قاعاز جۇزىندە انىقتاما الۋ ءۇشىن ۇلتتىق بانككە جۇگىنۋگە قۇقىلى.
