ازاماتتىق باستامالاردى قولداۋ ورتالىعىنىڭ حابارلاۋىنشا, ەندى ارقايسىنىڭ مەكتەبىندە 1 ميلليون تەڭگە مولشەرىندە شاعىن گرانت بەرىلەدى.
جوبانىڭ نەگىزى ماقساتى – شاعىن گرانتتار جوباسىن ىسكە اسىرۋ ارقىلى وقۋشىلاردىڭ جان-جاقتى دامۋى جانە جاھاندىق ازاماتتىقتى دامىتۋ, قازاقستاننىڭ جالپى ءبىلىم بەرەتىن وقۋ ورىندارىنا جاعداي جاساۋ ارقىلى «قازاقستان مۇعالىمى-2021» ۇلتتىق سىيلىعىنا قاتىسۋشى مۇعالىمدەردى قولداۋ جانە ولارعا كومەك كورسەتۋ.
قوعامدىق ماڭىزى بار باستامالاردى دامىتۋ قورىنىڭ توراعاسى ەرمەك ماجيتوۆتىڭ ايتۋىنشا, شالعاي جانە اۋىلدىق جەرلەردەگى مەكتەپ ۇستازدارىنا ەرەكشە كوڭىل بولىنەدى.
«گرانت قاراجاتىن ءبولۋدىڭ استارىندا تىكەلەي اقشالاي سىياقى ەمەس, بەلگىلى ءبىر الەۋمەتتىك جوبالاردى بىرىكتىرۋ ماقساتى تۇر. ياعني مۇعالىم ءوز مەكتەبىن قولداۋ ءۇشىن ۇيىمداستىرۋشىلارمەن بىرگە قانداي دا ءبىر جوباعا باستاماشىلىق ەتەدى. بۇل سىرتقى نەمەسە ىشكى كوگالداندىرۋ, كىتاپحانى قورىن, مۇعالىمنىڭ جۇمىس ورنىن (كابينەتىن) جاقسارتۋ بولۋى مۇمكىن», دەدى ول.
جەڭىمپازدار تىزىمىنە الماتى, شىعىس قازاقستان, قىزىلوردا, سولتۇستىك قازاقستان, پاۆلودار, تۇركىستان, اتىراۋ, باتىس قازاقستان, اقمولا, ماڭعىستاۋ, قاراعاندى جانە اقتوبە وبلىستارى اۋىل مەكتەپتەرىنىڭ مۇعالىمدەرى ەندى.
ايتا كەتەيىك, جوبانى ازاماتتىق باستامالاردى قولداۋ ورتالىعىنىڭ كومەگىمەن «Natural Energy» قوعامدىق قورى جۇزەگە اسىرىپ جاتىر.
