جەرگىلىكتى بيلىك لاۆا اتلانت مۇحيتىنا توگىلۋى ىقتيمال تۇستان وعان توسقاۋىل قويۋعا كىرىستى. سوعان بايلانىستى جاقىن ماڭداعى تۇرعىنداردان ۇيدەن شىقپاۋدى سۇرادى. «لاۆا اعىنى پلايا نۋەۆادا تەڭىزگە جەتتى», دەپ حابارلادى كانار ارالدارى جانارتاۋ ينستيتۋتى (Involcan).
La Palumbre Vieja جانارتاۋى لا-پالما ارالىنىڭ وڭتۇستىك جوتاسىندا ورنالاسقان. بۇل ارالدى 85 مىڭ تۇرعىن مەكەندەيدى. ۆۋلكان 19 قىركۇيەكتە اتقىلاپ, لاۆا تەڭىزگە قاراي باياۋ اعا باستادى.
وسىعان بايلانىستى, جاعالاۋعا جاقىن ورنالاسقان تازاكورتە كەنتىنىڭ بىرنەشە اۋدانىنىڭ تۇرعىندارىنا ەسكەرتۋ جاريالاندى. ويتكەنى بالقىعان لاۆا مەن سۋ رەاكتسياعا ءتۇسىپ, زياندى گازدار شىعارادى.
مامانداردىڭ ايتۋىنشا, لاۆانىڭ تەڭىز سۋىمەن ارالاسۋى اۋاعا ۋلى گازدار ءبولىپ, ولار بۇلت سەكىلدى قالىپتاسادى. ءتىپتى ەرىگەن تاۋ جىنىستارى مىلتىقتىڭ داۋىسى سەكىلدى ءتۇرلى دىبىس شىعارۋى مۇمكىن.
«مۇنداي كەزدە ۋلانعان اۋانى يىسكەۋ, اۋاداعى قىشقىل گازدار مەن سۇيىقتىقتار تەرىنى, كوزدى جانە تىنىس الۋ جولدارىن تىتىركەندىرەدى. تىنىس الۋدى قيىنداتۋى مۇمكىن, اسىرەسە, رەسپيراتورلىق اۋرۋلارى بار ادامدارعا بۇل زيان», دەيدى Involcan.
