توتەنشە جاعداي كەزىندە بارلىعى 176 جىلجىمايتىن م ۇلىك زارداپ شەككەن دەسەك, ونىڭ ىشىندە 159 تۇرعىن ءۇي, 12 كوممەرتسيالىق, 4 الەۋمەتتىك جانە 1 ينفراقۇرىلىمدىق نىسان (جول) بار. 35 ءۇي مەن 12 كوممەرتسيالىق نىسان ايتارلىقتاي ب ۇلىنگەن. 48 نىسان بويىنشا قورىتىندى الىنعان. بۇگىندە قالپىنا كەلتىرۋ شاراسىنا 12 مەردىگەرلىك ۇيىمنىڭ 22 تەحنيكاسى مەن 187 جۇمىسشىسى جۇمىلدىرىلعان. جەڭىل زارداپ شەككەن 124 تۇرعىن ءۇي مەن 3 الەۋمەتتىك نىسان تولىعىمەن قالپىنا كەلتىرىلدى. بۇل تۋرالى ايماق باسشىسى بەردىبەك ساپارباەۆ باق وكىلدەرىنىڭ قاتىسۋىمەن وتكەن بريفينگ بارىسىندا حابارلاپ, جوندەۋ, قايتا قالپىنا كەلتىرۋ جۇمىستارى تۋرالى باياندادى.
«زارداپ شەككەن نىسانداردى قالپىنا كەلتىرۋ بويىنشا بارلىق جۇمىستار مەملەكەت باسشىلىعىنىڭ باقىلاۋىندا», دەدى ب.ساپارباەۆ.
ۇكىمەتتىك كوميسسيانىڭ تاپسىرماسىنا سايكەس نىسانداردى تەكسەرۋ جانە قالپىنا كەلتىرۋ ءۇشىن جەرگىلىكتى اتقارۋشى ورگاندارىنان 5 جۇمىس توبى قۇرىلىپ, قۇرىلىس باسقارماسىنىڭ, قازقسعزي, جوبالاۋ ۇيىمدارىنىڭ جانە تج قىزمەتكەرلەرى ەندى. سەيسميكالىق قاۋىپتى جاعدايداعى جىبەك جولى اۋىلىنىڭ №5 ورتا مەكتەبىنە 150 ورىندى جاڭا عيمارات سالۋ ءۇشىن جوبالىق-سمەتالىق قۇجاتتاما ازىرلەندى. قۇرىلىسى قىزۋ ءجۇرىپ جاتقان جاڭا ءبىلىم وشاعى 2022 جىلدىڭ قاڭتار ايىندا پايدالانۋعا بەرىلەدى دەپ كوزدەلىپ وتىر.
«جالپى 150 ميلليون تەڭگە كولەمىندەگى دەمەۋشىلىك قولداۋ ەسەبىنەن 127 نىسان قالپىنا كەلتىرىلدى. ال, ايتارلىقتاي زارداپ شەككەن نىسانداردى قالپىنا كەلتىرۋ ءۇشىن ۇكىمەتتىك قوردان 1,2 ميلليارد تەڭگە ءبولىندى. قالپىنا كەلتىرۋ جۇمىستارىن اعىمداعى جىلدىڭ 30 قازانىنا دەيىن اياقتاۋ جوسپارلانۋدا», دەدى ايماق باسشىسى.
سونداي-اق دەمەۋشىلەردەن «سەنىم بايزاق» قورىنا تۇسكەن قارجىعا قوسالقى شارۋاشىلىق قۇرىلىستار مەن جولدار جوندەلەدى. بۇدان بولەك, بەردىبەك ساپارباەۆ مەرتىككەن 87 اسكەري قىزمەتشىلەرگە, توتەنشە جاعدايلار دەپارتامەنتى مەن پروكۋراتۋرا قىزمەتكەرلەرىنە وبلىس اكىمىنىڭ رەزەرۆىنەن 100 ايلىق ەسەپتىك كورسەتكىش نەمەسە 291,7 مىڭ تەڭگە مولشەرىندە جالپى سوماسى 25,4 ميلليون تەڭگە ماتەريالدىق كومەك بولىنەتىنىن جەتكىزدى.
