بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ Facebook-تەگى پاراقشاسىندا جازدى.
مۇعالىمدەردىڭ كاسىبي مەرەكەسى قارساڭىندا «ۇزدىك پەداگوگ – 2021» رەسپۋبليكالىق بايقاۋىنىڭ قورىتىندىسى شىعارىلدى.
«بيىل ونىنشى رەت ءوتىپ جاتقان مەرەيتويلىق ءراسىم قازاقستان تاۋەلسىزدىگىنىڭ 30 جىلدىعى قارساڭىندا ۇيىمداستىرىلىپ, اسا كورنەكتى اعارتۋشى, پەداگوگ ىبىراي ءالتىنساريننىڭ 180 جىلدىعىمەن تۇسپا-تۇس كەلدى. وسىعان بايلانىستى ءبىز ءىس-شارانى ۇلى اعارتۋشىنىڭ تۋعان جەرىندە وتكىزەمىز دەپ شەشىم قابىلدادىق», دەدى ول.
پرەزيدەنتتىڭ قولداۋىنىڭ ارقاسىندا جانە جاڭا زاڭنىڭ قابىلدانۋىنىڭ ناتيجەسىندە مۇعالىمدەردىڭ جالاقىسى ارتىپ, پەداگوگتەردى وزىنە ءتان ەمەس فۋنكتسيالاردان بوساتۋ بويىنشا جۇمىس جۇرگىزىلىك كەلەدى.
«بۇگىن ەلىمىزدىڭ تۇكپىر-تۇكپىرىنەن كەلگەن 64 مۇعالىم «ۇزدىك پەداگوگ-2021» اتاعىنا يە بولدى. پەداگوگتەردىڭ ارقايسىسى 1000 اەك كولەمىندە سەرتيفيكاتپەن جانە «ۇزدىك پەداگوگ» توسبەلگىسىمەن ماراپاتتالدى. سونىمەن قاتار اقشالاي سىياقىلار جەرگىلىكتى اتقارۋشى ورگاندار تاراپىنان دا بەكىتىلدى. بۇل كۇنى 10 پەداگوگ «ەڭبەك ارداگەرى» مەدالىمەن جانە «ى. التىنسارين», ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىمەن ماراپاتتالدى. پەداگوگيكا سالاسىنىڭ ەڭبەك ارداگەرلەرىنە دە قۇرمەت كورسەتىلدى. بارلىق جەڭىمپازدى لايىقتى ماراپاتتارىمەن قۇتتىقتايمىن! قاجىرلى ەڭبەكتەرىڭىز بەن ماماندىققا دەگەن ادالدىقتارىڭىز ءۇشىن العىس ايتامىن», دەپ تۇيىندەدى بعم باسشىسى.
