بيىل كۇزدە پەتروپاۆل جانە سەرگەەۆ سۋ قويمالارىنا تۇقى بالىعىنىڭ 1 ملن دانا شاباعى جىبەرىلمەك. ماۋسىم ايىنان قىركۇيەككە دەيىن جاساندى كولدەردە وسىرىلگەن ولاردىڭ ەڭ كىشكەنتايىنىڭ سالماعى شامامەن 12 گرامم.
ماماندار شاباقتاردىڭ دۇرىس جەتىلۋى ءۇشىن كۇندەلىكتى سۋدى تازارتىپ, تاماقتاندىرىپ, وتتەگى كولەمىن نازاردا ۇستاپ وتىردى. ەندى ءتورت اي جۇمىستىڭ ناتيجەسى – بالىقتار ءوڭىردىڭ ەكى سۋ قويماسىنا جىبەرىلمەك. ماماننىڭ ايتۋىنشا, ءبىر شەلەكتە شامامەن 700-دەن استام شاباق بولادى. ال ارقايسىسىنىڭ ورتاشا سالماعى كوميسسيا مۇشەلەرىنىڭ قاتىسۋىمەن, ارنايى ولشەۋ ادىسىمەن انىقتالادى.
«كوميسسيا شاباقتىڭ تەحنيكالىق سيپاتتاماعا سايكەستىگىن انىقتايدى, ارقايسىسىنىڭ سالماعى 12 گرامنان كەم بولماۋى ءتيىس. بۇگىنگى كورسەتكىشى جاقسى, ءتيىستى مولشەردەن جوعارى بولدى. الدىمەن سەرگەەۆ سۋ قويماسىن بالىقتاندىرامىز. بيىل كۇزدە وعان تۇقى شاباعىنىڭ 579 150 داناسى جىبەرىلمەك», دەيدى ەسىل وبلىسارالىق باسسەيندىك بالىق شارۋاشىلىعى ينسپەكتسياسى» رمم باسشىسىنىڭ ورىنباسارى مارات ەسىمسەيىتوۆ.
سۋ قويمالارىن بالىقتاندىرۋ جۇمىستارى شامامەن 10 كۇنگە جالعاسپاق.
