ايماقتار • 29 قىركۇيەك، 2021

الماتى اۋەجايىندا قارۋلى شەتەلدىكتەر ۇستالدى

512 رەت كورسەتىلدى

28 قىركۇيەكتە كولىك پوليتسەيلەرى قازاقستانعا «الماتى-فرانكفۋرت» اۋە رەيسىمەن ۇشىپ كەلگەن 64 جاستاعى ەر ادام مەن 43 جاستاعى ايەلدى ۇستادى. تەكسەرۋ كەزىندە ولاردا 30-06 مم جانە 300 مم كاليبرلى پاتروندار تابىلدى، دەپ حابارلايدى Egemen.kz قر ءىىم كولىكتەگى پد ءباسپاسوز قىزمەتىنە سىلتەمە جاساپ.

«الماتى قالاسىنىڭ اۋەجايىندا پوليتسيا جەلىلىك ءبولىمىنىڭ قىزمەتكەرلەرى ۇستالعاندارعا قاتىستى قر اقبتك-ءنىڭ 484-بابىنىڭ 1-بولىگى (ىشكى ىستەر ورگاندارىنىڭ قارۋدى ساقتاۋعا، ساقتاۋعا جانە الىپ جۇرۋگە رۇقساتى بار ادامداردىڭ ازاماتتىق، قىزمەتتىك، ماراپاتتىق، كوللەكتسيالىق قارۋدى، ونىڭ پاتروندارىن ساتىپ الۋ، بەرۋ، ەسەپكە الۋ، ساقتاۋ، پايدالانۋ، تاسىمالداۋ، قازاقستان رەسپۋبليكاسىنىڭ اۋماعىنا اكەلۋ، قازاقستان رەسپۋبليكاسىنىڭ اۋماعىنان اكەتۋ جانە قازاقستان رەسپۋبليكاسىنىڭ اۋماعى بويىنشا ترانزيتتەۋ ءتارتىبىن بۇزۋى) بويىنشا اكىمشىلىك حاتتامالار تولتىرىلدى. ارقايسىسىنا 10 اەك (29170 تگ) كولەمىندە اكىمشىلىك ايىپپۇل سالىندى»، دەپ حابارلادى كولىكتەگى پد ءباسپاسوز قىزمەتى.

سونىمەن قاتار سول كۇنى الماتى قالاسىنىڭ اۋەجايىندا 1979 جىلى تۋعان الماتى وبلىسىنىڭ تۇرعىنى ۇستالدى، ول نۇر-سۇلتان قالاسىنا ۇشىپ بارا جاتقان اۋە كەمەسىنىڭ بورتىنا ەلەكتر شوقپارىمەن كىرۋگە تىرىستى. اتالعان فاكتى بويىنشا قر اقبتك-ءنىڭ 482-بابىنىڭ 1-بولىگى (جەكە جانە زاڭدى تۇلعالاردىڭ قارۋدى زاڭسىز يەلەنۋى، بەرۋى، وتكىزۋى، ساقتاۋى، الىپ ءجۇرۋى، تاسىمالداۋى) بويىنشا اكىمشىلىك حاتتاما تولتىرىلدى. قازىرگى ۋاقىتتا تاركىلەنگەن زات بويىنشا سوت-ەلەكتروتەحنيكالىق ساراپتاما تاعايىندالدى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار