سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وڭىردە بيىل 1750 قىلمىستىق ءىستىڭ 473-ءى ماس كۇيدە جاسالعان. ولاردىڭ باسىم بولىگى دەنە جاراقاتتارىن كەلتىرۋ, بۇزاقىلىق, اۆتوكولىكتى ايداپ اكەتۋ, ۇرلىق. جىل باسىنان پوليتسەيلەر قوعامدىق ورىندارعا ماس كەلگەن 8776 ادامدى جاۋاپكەرشىلىككە تارتتى. قۇرامىندا ءسپيرتى بار ونىمدەردى ساتۋعا قويىلعان شەكتەۋلەردى ساقتاۋعا ەرەكشە كوڭىل بولىنەدى.
ەلىمىزدە قۇرامىندا 30% الكوگول بار سۋسىنداردى ساعات 23.00-دەن تاڭعى ساعات 8.00-گە دەيىن ساتۋعا تىيىم سالىنعان. قۋاتتىلىعى كۇشتى ىشىمدىكتى ساعات 21.00-دەن ساعات 12.00-گە دەيىن ساتۋعا شەكتەۋ قويىلعان. قاڭتاردان باستاپ وبلىستا الكوگول ونىمدەرىن ساتۋ قاعيدالارىنىڭ 106 بۇزۋشىلىعى انىقتالدى. سونىمەن قاتار 137 ساۋدا ورىنىنىڭ يەسى رۇقسات قۇجاتسىز ىشىمدىك ساتقانى ءۇشىن جازالاندى. ليتسەنزيالانباعان الكوگول ساتقانى ءۇشىن 9 ادام جاۋاپقا تارتىلدى. زاڭسىز اينالىمنان 5829 ليتر قۇرامىندا سپيرت بار ءونىم الىندى.
