قازاقستان • 28 قىركۇيەك، 2021

ءمينيستردىڭ قاتىسۋىمەن ۆەبينار ءوتتى

51 رەت كورسەتىلدى

بۇگىن اقپارات جانە قوعامدىق دامۋ ءمينيسترى ايدا بالاەۆانىڭ قاتىسۋىمەن ء«بىلۋ قۇقىعى – اقپاراتقا قول جەتكىزۋ ارقىلى ادامداردىڭ ءومىرىن جاقسارتۋ» تاقىرىبىندا تۇركىستان وبلىسى مەملەكەتتىك ورگاندارىنىڭ اقپاراتقا قول جەتكىزۋ ماسەلەلەرى بويىنشا ۋاكىلەتتى تۇلعالارعا ارنالعان قازاق تىلىندەگى ۆەبيناردىڭ جۇمىسى ءوتتى.

روشارانى 28 قىركۇيەكتەگى حالىقارالىق اقپاراتقا جالپىعا بىردەي قول جەتكىزۋ كۇنىنە وراي مينيسترلىكتىڭ قولداۋىمەن الماتىداعى يۋنەسكو-نىڭ كلاستەرلىك بيۋروسى ۇيىمداستىردى.

«اقپاراتقا قول جەتكىزۋ ماسەلەسى – ءبىزدىڭ كۇندەلىكتى ءومىرىمىزدىڭ قاي سالاسىندا دا باستى قاجەتتىلىك. ونىڭ ماڭىزى اسىرەسە وسى پاندەميا كەزىندە ايقىن بىلىنە ءتۇستى. سوندىقتان باستى ماقساتىمىز – وزەكتى تاقىرىپتاردى دەر كەزىندە انىقتاپ، قوعامدى تولىققاندى اقپاراتپەن قامتاماسىز ەتۋ»، دەدى ايدا بالاەۆا.

 

ۆەبينار «اقپاراتقا قول جەتكىزۋ تۋرالى» زاڭنىڭ ساقتالۋىن قامتاماسىز ەتۋ ماسەلەلەرىن وقىتۋعا باعىتتالعان.

ەسكە سالا كەتەيىك، 2020 جىلدىڭ سوڭىندا «اقپاراتقا قول جەتكىزۋ تۋرالى» زاڭعا ەنگىزىلگەن جاڭالىقتارعا سايكەس بارلىق مەملەكەتتىك ورگانداردا اقپاراتقا قول جەتكىزۋ ماسەلەلەرى بويىنشا ۋاكىلەتتى تۇلعالار (بولىمشەلەر) انىقتالدى.

ايدا بالاەۆا: «ارينە، بۇل سالاعا جاۋاپتى قىزمەتكەردى زاڭمەن بەكىتۋ – ءبىرىنشى قادام عانا. بۇل باعىتتاعى جۇمىستىڭ جۇيەلى دە ساپالى ءجۇرۋى ءۇشىن – ولاردى تۇراقتى وقىتىپ، بىلىكتىلىك دەڭگەيىن ۇنەمى جەتىلدىرىپ وتىرۋ قاجەت».

انىقتامالىق:

بۇل ەكىنشى رەت وتكىزىلگەن ۆەبينار. بۇعان دەيىن، 2020 جىلدىڭ قاراشا ايىندا ءبىرىنشى ۆەبينار نۇر-سۇلتان قالاسىندا وتكىزىلدى.

ۆەبينار ماتەريالدارى كەلەسى سىلتەمە بويىنشا قولجەتىمدى: http://en.unesco.kz/second-webinar-on-access-to-information-for-kazakhstan-state-bodies

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار