الەم • 28 قىركۇيەك، 2021

تالىپتەر قانداي كونستيتۋتسيانى ۇستاناتىنىن ايتتى

50 رەت كورسەتىلدى

اۋعانستان ادىلەت ءمينيسترىنىڭ مىندەتىن اتقارۋشى ابدۋل حاكيم شاريا ەلدە سوڭعى پاتشا زاحير شاحتىڭ زامانىنداعى كونستيتۋتسيا قولدانىلاتىنىن ايتتى، دەپ جازادى Egemen.kz.

© REUTERS / West Asia News Agency

حاكيم شاريا اۋعانستانداعى قىتاي ەلشىسىمەن كەزدەسۋدە سوڭعى پاتشا كەزىندەگى كونستيتۋتسيانى قولداناتىنىن، تەك شاريعاتقا قايشى كەلەتىن ەرەجەلەردى الىپ تاستايتىنىن ايتتى. بۇل تۋرالى ريا نوۆوستي جازدى.

زاحير شاحتىڭ كونستيتۋتسياسى 1964 جىلى قابىلداندى. ونىڭ نەگىزگى ەرەجەلەرىنىڭ ءبىرى - كورولدىكتە قوعامدىق ءومىردى دەموكراتيالاندىرۋ - قوس پالاتالى پارلامەنت قۇرۋ، ءسوز جانە جينالىس بوستاندىعى. سونىمەن قاتار ايەلدەرگە ورامال تاقپاۋ قۇقىعى بەرىلگەن بولاتىن.

بۇعان دەيىن اۋعانستان ۋاقىتشا ۇكىمەتى مادەنيەت جانە اقپارات ءمينيسترىنىڭ ورىنباسارى زابيۋللا مۋجاحيد ەلدە بيلىكتى قولىنا العان «تاليبان» قوزعالىسى كەلەسى جىلى جاڭا كونستيتۋتسيانى ازىرلەۋ ءۇشىن كوميسسيا قۇرۋدى جوسپارلاپ وتىرعانىن ايتقان ەدى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار