قازاقستان • 28 قىركۇيەك، 2021

ا. مامين باشقۇرتستان باسشىسىمەن كەزدەستى

42 رەت كورسەتىلدى

قر پرەمەر-ءمينيسترى اسقار مامين باشقۇرتستان رەسپۋبليكاسىنىڭ باسشىسى رادي حابيروۆپەن كەزدەسۋ وتكىزدى، دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

تاراپتار قازاقستان-رەسەي ستراتەگيالىق سەرىكتەستىگىن ودان ءارى تەرەڭدەتۋ بويىنشا ءوزارا ءىس-قيمىلدىڭ جاي-كۇيى مەن پەرسپەكتيۆالارىن تالقىلادى.

ۇكىمەت باسشىسى قازاقستاننىڭ باشقۇرتستانمەن ساۋدا-ەكونوميكا، ينۆەستيتسيا، كولىك-لوگيستيكا، ەنەرگەتيكا، اوك، ونەركاسىپتىك كووپەراتسيا جانە باسقا دا سالالارداعى ىنتىماقتاستىعىن ارتتىرۋ ءۇشىن ەلەۋلى الەۋەتتىڭ بار ەكەنىن اتاپ ءوتتى.

2021 جىلعى قاڭتار-شىلدە ايلارىندا قازاقستان مەن باشقۇرتستان اراسىنداعى تاۋار اينالىمىنىڭ كولەمى وتكەن جىلدىڭ سايكەس كەزەڭىمەن سالىستىرعاندا 20،2%-عا ءوسىپ، شامامەن $200 ملن قۇرادى.

نۇر-سۇلتان مەن ۋفا قالالارى اراسىندا تىكەلەي اۋە قاتىناسىن اشۋ مۇمكىندىگى قاراستىرىلىپ جاتىر.

ك

كەلىسسوز بارىسىندا ايماقارالىق ىنتىماقتاستىقتى دامىتۋ، سونداي-اق جايىق (ورال) ترانسشەكارالىق وزەنىنىڭ رەسۋرستارىن ۇتىمدى پايدالانۋ جانە قورعاۋ ماسەلەلەرى بويىنشا ءوزارا ءىس-قيمىل ماسەلەلەرىنە ەرەكشە نازار اۋدارىلدى. 

كەزدەسۋگە پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ساۋدا جانە ينتەگراتسيا ءمينيسترى باقىت سۇلتانوۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، ەنەرگەتيكا ءمينيسترى ماعزۇم مىرزاعاليەۆ، اۋىل شارۋاشىلىعى ءمينيسترى ەربول قاراشوكەەۆ جانە ت. ب. قاتىستى. 

رادي حابيروۆتىڭ قازاقستانعا ساپارى اياسىندا  قر پرەزيدەنتى قاسىم-جومارت توقاەۆپەن، پارلامەنت سەناتىنىڭ توراعاسى ماۋلەن اشىمباەۆپەن، باتىس قازاقستان وبلىسىنىڭ اكىمى عالي ەسقاليەۆپەن كەزدەسۋى، قازاقستان-باشقۇرتستان ىسكەرلىك فورۋمىنا قاتىسۋى، احقو جانە ۇكىمەتتىڭ تسيفرلىق وفيسىنە بارۋى جوسپارلانعان.

سوڭعى جاڭالىقتار

ۇقساس جاڭالىقتار