دەلەگاتسيا قۇرامىنا ساك مەملەكەتتىك ورگاندارىنىڭ 50-دەن استام وكىلى, سونداي-اق مۇناي-حيميا (SABIC, Alkhorayef Group, Aramco), ەنەرگەتيكا (ACWA Power, Aljomaih Energy and Water Company, Desert Technologies), اكت (ELM, National Technology Group), اوك (SALIC, Al Rajhi International for Investment Co, Hdeim Dates, Faidh International Food Company), دەنساۋلىق ساقتاۋ (Dr. Sulaiman Al-Habib Medical Group), فارماتسەۆتيكا (Jamjoom Pharma), لوگيستيكا (Zajil), تۋريزم (Seera), جەڭىل ونەركاسىپ (Ajlan & Bros Group), ساۋدا (Saudi Industrial Export) جانە ت. ب سالاسىنداعى ءىرى ساۋد كومپانيالارىنىڭ 30-عا جۋىق باسشىلارى كىردى.
دەلەگاتسيانىڭ ساپارى اياسىندا ەكى ەلدىڭ ىسكەر توپتارى مەن بيزنەسىنىڭ 170-تەن استام وكىلدەرىنىڭ قاتىسۋىمەن قازاقستان-ساۋد ارابياسىنىڭ ينۆەستيتسيالىق بيزنەس-فورۋمى ءوتتى. ءىس-شارا بارىسىندا ساۋديالىق كومپانيالار باستى ماقساتى جەكە سەكتوردى دامىتۋ, سەرپىندى قوعام قۇرۋ, سونداي-اق كورولدىكتىڭ حالىقارالىق ساۋداداعى باسەكەگە قابىلەتتىلىگىن ارتتىرۋدى كوزدەيتىن «Saudi Vision 2030» ۇلتتىق باعدارلاماسىن ىسكە اسىرۋ تاجىريبەسىمەن ءبولىستى.
ءىس-شارانى اشقان قر ساۋدا جانە ينتەگراتسيا ءمينيسترى باقىت سۇلتانوۆ قازاقستاندىق بيزنەستىڭ ساۋد ارابياسىنىڭ ىسكەر توپتارىمەن ىنتىماقتاستىقتى جانداندىرۋعا مۇددەلى ەكەنىن اتاپ ءوتتى. ءوز سوزىندە ول ساۋديالىق كومپانيالاردىڭ بيزنەس-قوعامداستىعىن ەكى جاقتى ەكونوميكالىق قاتىناستارعا جاڭا سەرپىن بەرەتىن ينۆەستيتسيالىق جوبالار بويىنشا ءوزارا ءتيىمدى ىنتىماقتاستىق قۇرۋعا شاقىردى.
سىرتقى ىستەر ءمينيسترىنىڭ ورىنباسارى الماس ايداروۆ ساۋد نارىعىنىڭ قازاقستانمەن ىسكەرلىك بايلانىستار مەن ساۋدا-ەكونوميكالىق قاتىناستاردى نىعايتۋداعى زور ماڭىزىن, سونداي-اق «Saudi Vision 2030» ۇلتتىق باعدارلاماسىن ىسكە اسىرۋ شەڭبەرىندە قازاقستان مەن ساۋد ارابياسىنىڭ ينۆەستيتسيالىق ىنتىماقتاستىعىن كەڭەيتۋدىڭ ەلەۋلى الەۋەتىن اتاپ ءوتتى.
«ساۋد ارابياسى كاسىپكەرلىكتى دامىتۋ, ەكونوميكانى ءارتاراپتاندىرۋ, سونداي-اق الەۋمەتتىك رەفورمالاردى جۇزەگە اسىرۋ بويىنشا الەمنىڭ كوپتەگەن ەلدەرى ءۇشىن تابىستى مودەلگە اينالدى. ءبىز «Saudi Vision 2030» ستراتەگيالىق باعدارلاماسىن جۇزەگە اسىرۋدىڭ تابىسى مەن ءتيىمدى ناتيجەلەرىن كورۋگە قۋانىشتىمىز. اۋىل شارۋاشىلىعى, مۇناي حيمياسى, تكمك, جەك, قارجى جانە ت.ب. سياقتى ەكونوميكا سالالارىندا ىنتىماقتاستىعىمىزدى ودان ءارى دامىتۋ ءۇشىن ءبىزدىڭ ۇلكەن الەۋەتىمىز بار دەپ سانايمىن», - دەپ تولىقتىردى الماس ايداروۆ.
فورۋم شەڭبەرىندە قازاقستاندىق تاراپتان سپيكەرلەر رەتىندە «KAZAKH INVEST», «KIDF», «احقو», «QazTrade» جانە «Kazakh Tourism» باسشىلارى, سونداي-اق ساك ينۆەستيتسيالار مينيسترلىگى جانە «NCPP» باسشىسى ءسوز سويلەدى.
ءوز سوزىندە «KAZAKH INVEST» ۇك» اق باسقارما توراعاسى مەيىرجان يۋسۋپوۆ ساۋدتىق سەرىكتەستەرگە قازاقستان رەسپۋبليكاسىنىڭ ينۆەستيتسيالىق الەۋەتىن تانىستىردى, فورۋم قاتىسۋشىلارىن ينۆەستيتسيالاردى تارتۋدىڭ مەملەكەتتىك جۇيەسىندە قولدانىلاتىن جاڭا تاسىلدەمەلەرمەن تانىستىردى, سونداي-اق قر مەن ساك ەكىجاقتى قاتىناستارىن تەرەڭدەتۋدىڭ ماڭىزدىلىعىن اتاپ ءوتتى.
«بۇگىنگى تاڭدا ساۋد ارابياسىنان قازاقستانعا كەلەتىن ينۆەستيتسيانىڭ جالپى كولەمى 100 ميلليون اقش دوللارىنان اسادى. الايدا, بۇل كورسەتكىش ءبىزدىڭ ەلدەرىمىزدىڭ الەۋەتىن تولىق كورسەتە المايدى. وسى ماقساتتا KAZAKH INVEST قازاقستان مەن ساك بيزنەسىنىڭ ينۆەستيتسيالىق ىنتىماقتاستىعىن نىعايتۋ بويىنشا جان-جاقتى جۇمىس جۇرگىزۋدە. مىسالى, قر ساۋد ارابياسىنداعى ەلشىلىگىمەن بىرلەسىپ, دجيددا ساۋدا-ونەركاسىپ پالاتالارى مەن ءال-كاسسيم پروۆينتسياسىنىڭ قولداۋىمەن, سونداي-اق NCPP-مەن بىرلەسىپ, ساۋدا, ەكونوميكا جانە ينۆەستيتسيالار سالاسىنداعى قازاقستان-ساۋد ىنتىماقتاستىعىنىڭ پەرسپەكتيۆالارىنا ارنالعان بىرقاتار ءىس-شارالار وتكىزىلدى. بۇل بىزگە بيزنەس ءۇشىن بارىنشا قىزىعۋشىلىق تۋدىراتىن باعىتتار بويىنشا بىرلەسكەن ءىس-قيمىلداردى ودان ءارى ۇيلەستىرۋ ءۇشىن ىسكەرلىك بايلانىستار ورناتۋعا مۇمكىندىك بەردى», - دەپ اتاپ ءوتتى مەيىرجان يۋسۋپوۆ.
سونىمەن قاتار, ءىس-شارا الاڭىندا KAZAKH INVEST قولداۋىمەن ساك ينۆەستيتسيالار ءمينيسترى حاليد ءال-فاليحتىڭ قر اۋىل شارۋاشىلىعى ءمينيسترى جانە قر ەنەرگەتيكا مينيسترىمەن, سونداي-اق «قازاتومپروم» ۇاك» اق, «KAZ Minerals» جانە ت. ب. باسشىلىعىمەن بىرقاتار كەزدەسۋلەرى ۇيىمداستىرىلدى.
فورۋم قورىتىندىسى بويىنشا KAZAKH INVEST ساۋد ارابياسىنىڭ ينۆەستيتسيالار مينيسترلىگىنىڭ قۇرامىنا كىرەتىن NSPP-مەن (ۇلتتىق كومپانيالاردى ىلگەرىلەتۋ باعدارلاماسى) ىنتىماقتاستىقتىڭ نەگىزدەمەلىك باعدارلاماسىنا قول قويدى. مەموراندۋم تاراپتارعا بيزنەس-ۇيىمدار اراسىندا قاتىناستار ورناتۋعا جانە ولاردىڭ ساۋدا پالاتالارى مەن باسقا دا مۇددەلى ۇيىمداردىڭ قاتىسۋىمەن ىنتىماقتاستىعىن كەڭەيتۋگە, ءوزارا ءتيىمدى ينۆەستيتسيالاردى ىلگەرىلەتۋگە جانە ينۆەستيتسيالىق جاعدايلاردى جاقسارتۋعا باعىتتالعان باستامالاردى قولداۋعا, سونداي-اق ەكى ەلدىڭ ينۆەستيتسيالىق جوبالارىن ازىرلەۋگە جانە ىسكە اسىرۋعا جاردەمدەسۋگە مۇمكىندىك بەرەدى.
سونىمەن قاتار, فورۋم اياسىندا ساۋد ارابياسى قازاقستاندىق كومپانيالارمەن تۋريزم, اگروبيزنەس, لوگيستيكا جانە كوممۋنيكاتسيالىق تەحنولوگيالار سالاسىنداعى ىنتىماقتاستىق تۋرالى 6 مەموراندۋمعا قول قويدى.
ايتا كەتۋ كەرەك, قازاقستان-ساۋد ارابياسى ينۆەستيتسيالىق بيزنەس-فورۋمىنىڭ ۇيىمداستىرۋشىلارى قر ساۋدا جانە ينتەگراتسيا مينيسترلىگى مەن «KAZAKH INVEST» ۇك» اق بولدى.
