اتوم ونەركاسىبىندەگى قىزمەتكەرلەر كۇنىن بەكىتۋ تۋرالى قاۋلىنى قر پرەزيدەنتى 2001 جىلعى 13 جەلتوقسانداعى «قازاقستان رەسپۋبليكاسىنداعى مەرەكەلەر تۋرالى» زاڭىنىڭ 4-بابىنا سايكەس 2008 جىلدىڭ 12 مامىرىندا شىعاردى. قازاقستاننىڭ مەرەكەلەر كۇنتىزبەسىندە اتوم سالاسى قىزمەتكەرلەرى كاسىبي مەرەكەسىنىڭ پايدا بولۋى اتالمىش سالانىڭ ەل ەكونوميكاسىن دامىتۋداعى ماڭىزدى ءرولىن كورسەتەدى.
بۇگىنگى كۇنى اتوم ونەركاسىبى – رەسپۋبليكاداعى عىلىمدى قاجەتسىنەتىن جانە ءتيىمدى سالالاردىڭ ءبىرى. ەل باسشىسى قاسىم-جومارت توقاەۆتىڭ جولداۋىندا الەم تاجىريبەسىنە سايكەس, ەڭ ءتيىمدى شەشىم بەيبىت اتوم دەلىنگەن. پرەزيدەنت ءبىر جىلدىڭ ىشىندە قازاقستانداعى قاۋىپسىز جانە ەكولوگيالىق اتوم ەنەرگەتيكاسىنىڭ دامۋ مۇمكىندىكتەرىن زەرتتەۋگە تاپسىرما بەرگەن. قازاقستانعا اتوم ەلەكتر ستانتسياسى كەرەك پە دەگەن سۇراق قازاقستاندىقتاردى الاڭداتادى. الايدا بۇل سۇراقتىڭ ناقتى جاۋابى ءالى كۇنگە دەيىن بەلگىسىز.
اتاپ وتەيىك, بىرنەشە كۇن بۇرىن ۆەنادا اتوم ەنەرگەتيكاسى جونىندەگى حالىقارالىق اگەنتتىكتىڭ باس كونفەرەنتسياسىنىڭ جىل سايىنعى 65-ءشى سەسسياسى ءوتتى. شاراعا قازاقستاننىڭ وكىلدەرى دە قاتىستى.
