ءاليحاننىڭ ءمۇسىنى اسقاقتادى

بۇل يگى ءىستى اتالعان اۋىل­دىڭ ورتا مەكتەبىن 1990 جىلى بىتىرگەن تۇلەكتەر جۇزەگە اسىردى. ولار جيناعان قاراجاتقا قازاقستان سۋرەتشىلەر ودا­عى­نىڭ مۇشەسى, ءمۇسىنشى بەي­بىت مۇستافين قايراتكەر تۇل­عا­نىڭ ءمۇسىنىن جوعارى كوركەم دەڭ­گەيدە جاساپ شىعارعان ەكەن.

اياداي عانا اۋىلداعى ءمۇ­سىن­نىڭ اشىلۋ سالتانا­تى­نا ەلوردادان ءبىر توپ قۇر­مەت­تى قو­ناق ارنايى كەلىپ قا­تىستى. ولار­دىڭ اراسىندا ءماجىلىس دەپۋتاتى قازىبەك يسا, ءاليحان بوكەيحاننىڭ ءومىرى مەن قىزمەتى جايلى كوپ تومدىق زەرتتەۋ جيناق شى­عار­عان سۇلتانحان اقق ۇلى, الاش قوزعالىسىنىڭ تاريحىن زەرتتەپ جۇرگەن تۇرسىن جۇرت­باي, جاندوس سماعۇلوۆ, قا­يىر­بەك كەمەڭگەر, ساعىمباي جۇ­ماعۇلوۆ سىندى عالىمدار بول­دى.

يگى ءىس-شارادان كەيىن ۇيىم­­­داستىرىلعان عىلىمي-پراك­­­تي­كالىق كونفەرەنتسيادا عا­لىمدار ءاليحان بوكەي­حان­نىڭ قازاق مەملەكەتتىلىگىن قال­پىنا كەلتىرۋ جولىنداعى ەرەن ەڭبەگىن اتاپ ءوتىپ, الاش كوسەمىنىڭ ارتىندا قال­عان مول مۇرانى يگەرىپ, بو­لا­شاقتىڭ قاجەتىنە جاراتۋدىڭ جولدارىن اڭگىمە قىلدى.

بۇدان كەيىن مارتەبەلى مەيماندار ءاليحان بوكەيحاننىڭ اكە-شەشەسى مەن تۋىستارى جەر­­لەنگەن تالدىبەيىت قورى­مىنا بارىپ, ارۋاقتارعا دۇعا باعىشتادى.

قاراعاندى وبلىسى,

اقتوعاي اۋدانى