«QazVac-تىڭ دەلتا شتامىمەن كۇرەستەگى قاۋقارىنا جۇرگىزىلگەن زەرتتەۋ ناتيجەسى وتاندىق ۆاكتسينانىڭ ءتيىمدى ەكەنىن كورسەتتى. ۇكىمەتتىڭ تاپسىرماسى بويىنشا بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى (بقپعزي) ۋحان كوروناۆيرۋسىنىڭ شتامىن دەلتاعا بەيىمدەۋ جانە اۋىستىرۋ بويىنشا ماڭىزدى جۇمىس جۇرگىزدى. قازان ايىندا بۇكىل QazVac ۆاكتسيناسى دەلتا شتامىمەن شىعارىلادى.
ال Eta شتامى بويىنشا بۇگىندە اتالعان ينستيتۋت پاتولوگيالىق ماتەريالدار الدى جانە 2 اپتا ىشىندە شتامم بويىنشا زەرتتەۋ جاساۋ جوسپارلانىپ وتىر. سودان كەيىن اتالعان شتامعا قاتىستى QazVac تيىمدىلىگىن سىناۋ جۇمىسى جۇرگىزىلەدى», دەدى ە. توعجانوۆ ۇكىمەت ۇيىندە وتكەن ءباسپاسوز ءماسليحاتىندا.
پرەمەر-مينيستر ورىنباسارىنىڭ ايتۋىنشا, ەلگە كەلگەن كوروناۆيرۋس شتامدارىن زەرتتەپ, ونىمەن كۇرەسۋ ماسەلەسى ۇنەمى باقىلاۋدا.
