25 قىركۇيەكتە ZF347 رەيسى ەكاتەرينبۋرگتەن سوچيگە جولاۋشىلاردى جەتكىزۋى كەرەك ەدى. بىراق نايزاعايعا بايلانىستى كۋرورتتاعى اۋەجاي ۇشاق قابىلداۋدى ۋاقىتشا توقتاتقان. ۇشاق ەكىنشى رەت اينالعان كەزدە, اۋە كەمەسىنە نايزاعاي تۇسكەن.
رەيس جولاۋشىلارى نايزاعاي تۇسكەن ساتتە بورتتا بولعان جاعدايدى ۆيدەوعا ءتۇسىرىپ العان. ولار «ۇمىتىلماس» اسەرى تۋرالى ايتتى.
«جانىمداعى ايەل شوقىنا باستادى. مەن دە قورىققانىمنان دۇعالاردى ەسىمە ءتۇسىردىم. نايزاعاي سوققاندا مەن بۇرىلىپ قالدىم. جاقىن جەردە ءبىر جىگىت وتىرعان, ونىڭ كوزىن كورسەڭىز. بۇل ومىرباقي ەسىمنەن شىقپايدى», دەدى باسىلىمعا جولاۋشىلاردىڭ ءبىرى.
ە1 باسىلىمىنا سۇحبات بەرۋشىلەردىڭ ايتۋىنشا, ۇشاق سۇر بۇلتتار اراسىنان ءوتىپ بارا جاتقاندا, وعان نايزاعاي تۇسكەن.
«نايزاعاي انىق كورىندى جانە جارقىل ەستىلدى. ادامدار قورقىپ كەتتى, كەيبىرەۋلەر قوزعالتقىشقا بىردەڭە بولدى دەپ ويلادى. سودان كەيىن وتە قاتتى قۇلدىراي باستادىق, قۇلاپ بارا جاتقانىمىزدى سەزدىك», دەپ ءبولىستى جولاۋشى اناستاسيا.
ونىڭ ايتۋىنشا, بەلدىكتى دۇرىس تاقپاعاندار ورنىنان سەكىرە باستاعان, بوتەلكەدەگى سۋ مەن ستاكاندار قۇلاعان.
