ۇيىشىلىك جانە ورامىشىلىك جەلىلەردە اپاتتار مەن اقاۋلاردى پيك جانە «تەپلوترانزيت قاراعاندى» كومپانياسى قارايدى. وسى اپتادا 28-ءشى شاعىن اۋدانداعى جىلۋ جەلىسىن قايتا قۇرۋ جۇمىستارىن اياقتاۋ جوسپارلانعان. جۇمىس اياقتالعان سوڭ بىردەن جىلۋ قوسىلادى.
جىلىتۋ ماۋسىمىن ىسكە قوسۋ ونلاين رەجيمىندەگى اپپاراتتىق كەڭەستە تالقىلاندى.
«وبلىستا جىلىتۋ ماۋسىمى باستالدى. جاۋاپكەرشىلىك ايماعى ۇلكەن. پيك-تە ەشقانداي سىلتاۋ بولماۋى ءتيىس. بارلىق ماسەلە پىسىقتالدى, جىلۋدى ىسكە قوسۋ جانە جىلۋ كوزدەرىنىڭ جاي-كۇيى ەرەكشە باقىلاۋدا. بۇرىننان ينفراقۇرىلىمعا قاتىستى كەيبىر پروبلەمالار بار. بۇل ەڭ الدىمەن تەمىرتاۋداعى جەو-2 ماسەلەسى. وتكەن جىلدارداعى بارلىق قاتەلىكتى ەسكەرۋ قاجەت», دەدى ءوڭىر باسشىسى جەڭىس قاسىمبەك.
بيىل شاحاندا ورتالىق جىلىتۋ جۇيەسى ىسكە قوسىلدى. وبلىستىڭ وڭتۇستىك وڭىرلەرىندە اۋا رايى ءالى جىلى, جىلىتۋ ماۋسىمى كەشىرەك باستالادى. جەڭىس قاسىمبەك تۇرمىستىق ورتتەردىڭ الدىن الۋ جۇمىستارىن جالعاستىرۋدى تاپسىردى.
سونداي-اق, مۇقتاجداردىڭ ۇيلەرى مەن پاتەرلەرىنە ۋلى گاز داتچيكتەرىن ورناتۋدى اياقتاۋ قاجەت.
