يراندىق قۇراما 1/8 فينالدا وزبەكستان قۇراماسىن 9:8 ەسەبىمەن تىزە بۇكتىردى. ال قازاقستان جارىستىڭ اتالعان ساتىسىندا تايلاندتان 7:0 ەسەبىمەن باسىم ءتۇستى.
كەزدەسۋ بۇگىن ەلوردا ۋاقىتىمەن 23:00-دە باستالىپ, «Qazsport» تەلەارناسىنان تىكەلەي ەفيردە كورسەتىلەدى.
بۇعان دەيىن الەم چەمپيوناتىنىڭ شيرەك فينالىندا برازيليا ماروككونى 1:0 ەسەبىمەن جەڭسە, رەسەي ارگەنتيناعا قوسىمشا كەزەڭدە 1:2 ەسەبىمەن جول بەردى.
وسىلايشا جارتىلاي فينالداعى العاشقى جۇپ انىقتالىپ, وندا ارگەنتينا مەن برازيليا سىنعا تۇسپەك. توپتىق كەزەڭدە قازاقستان قۇراماسى كوستا-ريكادان 6:1, ليتۆادان 3:0 ەسەبىمەن باسىم بولدى. ال ۆەنەسۋەلامەن 1:1 ەسەبىمەن تەڭ ءتۇستى.
قازاقستان قۇراماسى بۇدان بۇرىن الەم چەمپيوناتى فينالدىق ساتىسىندا ەكى مارتە باق سىنادى. 2000 جىلى ءبىرىنشى كەزەڭنەن اسا الماسا, 2016 جىلى 1/8 فينالعا دەيىن جەتتى.
