جارىستارعا رەسپۋبليكالىق جەدەل-قۇتقارۋ جاساعى مەن باتىس قازاقستان وبلىسىنىڭ جەدەل-قۇتقارۋ جاساعىنىڭ قۇتقارۋشىلارى, قازاقستان رەسپۋبليكاسى تجم 28237, 52859, 68303 اسكەري ءبولىمىنىڭ اسكەري قىزمەتكەرلەرى جانە وزبەكستان, قىرعىزستان تجم قۇتقارۋشىلارى قاتىستى.
قۇتقارۋشىلار «قازقۇتقارۋ-2021» قۇتقارۋ كوپسايىسى اياسىندا «تەحنوگەندىك اپاتتار جاعدايىندا ىزدەۋ-قۇتقارۋ جۇمىستارى», «اكۆاتوريالارداعى ىزدەۋ-قۇتقارۋ جۇمىستارى» جانە «تابيعي ورتاداعى ىزدەۋ-قۇتقارۋ جۇمىستارى» قاشىقتىقتاردان ءوتتى. جارىستاردىڭ قورىتىندىسى بويىنشا جالپىكوماندالىق ورىندار تومەندەگىدەي ءبولىندى: وزبەكستان رەسپۋبليكاسى توتەنشە جاعدايلار مينيسترلىگىنىڭ قۇتقارۋشىلار كومانداسى ءۇشىنشى ورىندى يەلەندى.
باتىس قازاقستان وبلىسى توتەنشە جاعدايلار دەپارتامەنتى جەدەل-قۇتقارۋ جاساعىنىڭ قۇتقارۋشىلار كومانداسى ەكىنشى ورىنعا يە بولدى. رەسپۋبليكالىق جەدەل-قۇتقارۋ جاساعىنىڭ قۇتقارۋشىلار كومانداسى ءبىرىنشى ورىندى جەڭىپ الدى.
اسكەري-قۇتقارۋ ءۇشسايىس جارىستارىنىڭ ناتيجەسى بويىنشا 52859 اسكەري ءبولىمىنىڭ كومانداسى ءۇشىنشى ورىندى, 28237 اسكەري ءبولىمىنىڭ وفيتسەرلەر كومانداسى ەكىنشى ورىندى, 28237 اسكەري ءبولىمىنىڭ كونتراكت بويىنشا قىزمەت اتقاراتىن اسكەري قىزمەتشىلەر كومانداسى ءبىرىنشى ورىندى يەلەندى.
بارلىق كوماندالار ديپلومدارمەن, كۋبوكتارمەن جانە باعالى سىيلىقتارمەن ماراپاتتالدى. جارىستاردا قۇتقارۋشىلار اۆاريالىق-قۇتقارۋ جۇمىستارىن جۇرگىزۋ كەزىندە ۇيىمشىلدىقتى, جوعارى كاسىبيلىكتى, سونداي-اق جەڭىسكە دەگەن ەرىك-جىگەردى كورسەتتى.
