الەم • 27 قىركۇيەك، 2021

تۇركيا مەن رەسەي كەمەلەرى اپاتقا ۇشىرادى

17 رەت كورسەتىلدى

سەنبىدە ىستانبۇلداعى  يەنيكوي اۋدانىنىڭ جاعا­لا­ۋىندا تۇركيا جانە رەسەي مەم­لەكەتتەرىنە تيەسىلى جۇك كە­مەلەرى سوقتىعىستى.

جاعالاۋ پوليتسياسى باسقارماسىنىڭ ايتۋىنشا، قازىر ەكى كەمە دە بۇيىكدەرە اۋدانىنىڭ جاعالاۋىنا اكەلىنىپ، شىنجىرلانىپ بايلاندى.

تۇركياعا تيەسىلى Tahsin İmamoğlu 90 مەترلىك جۇك كەمەسى كودجاەلي پروۆينتسياسىنان قارا تەڭىز جاعالاۋىنداعى كارادەنيز ەرەگلي ونەركاسىپتىك پورتىنا باعىت العان. ال رەسەيلىك Rusich -100 128 مەترلىك كەمەسى بۋرسا پروۆينتسياسىنىڭ گەمليك اۋدانىنان رەسەيگە بارا جاتقان. ەكى جۇك كەمەسى بوسفور بۇعازىندا سوعىسىپ قالعان. كەمەلەرگە اپاتتان كەيىن سۋ جينالا باستاعانى دا حابارلاندى.

وقيعا ورنىنا KIYEM-5، KEGM-3، KURTAR­MA-11 كاتەرلەرى جانە 14 بۋكسيرلىك كەمە اتتان­دى­ر­ىل­­دى.

رەسەي اگەنتتىگىنىڭ حابارلاۋىنشا، بۇل جالعىز وقيعا ەمەس. سول كۇنى تاڭەرتەڭ 140 مەترلىك  «ۆولج­سكي-40» جۇك تاسۋشى كەمەسى دە اپاتقا ۇشى­را­عان. اقپاراتقا سۇيەنسەك، كولىك تۇركيانىڭ تەريداگ قالاسىنان رەسەيگە بەتتەپ كەلە جاتقاندا بوس­فور بۇ­عاسىندا بالىق اۋلاۋشىلار كەمەسىمەن سوق­تى­عىس­قان. قازىر ول جۇك كەمەسى دە تۇراققا اپارىپ بايلانعان.

ەكىنشى وقيعاعا دا تۇركيا جاعالاۋ پوليتسيا­سى KIYEM-8، KEGM-3 كاتەرلەرىن جىبەرگەن. ولار كەمەلەردى سۋدان تازارتقان. ودان بولەك، KURTARMA-11 بۋكسيرلىك كەمەسى دە اپات ورنىنا جى­بەرىلگەن.

جارالانعاندار مەن قازا تاپقاندار تۋرالى اقپا­رات بولماعانىمەن، ەكى تاراپ تا ۇلكەن شىعىنعا ۇشىراعانى ءمالىم بولدى.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار