الەم • 27 قىركۇيەك، 2021

سوماليدە تەرروريستىك توپ 8 ادامدى ءولتىردى

12 رەت كورسەتىلدى

سومالي استاناسىنداعى پرەزيدەنت سارايىنىڭ جانىندا كولىك جارىلىپ، 8 ادام قازا بولدى. ءال-كايداعا بايلانىسى بار ءال-شاباب تەررورلىق توبى جاۋاپكەر­شى­لىكتى وزىنە الىپ، جارىلىستىڭ قاساقانا ۇيىم­داس­تىرىلعانىن مويىندادى.

جارىلىس بولعان ايماق پرەزيدەنت سارايى مەن اۋەجايدى بايلانىستىراتىن جول ەكەن. سومالي پوليتسياسى وكىلى ابديفاتاح ادەن حاسان جارالىلار مەن قازا بولعاندار سانى ءالى دە ارتۋى مۇمكىن دەگەن بولجام ايتتى. ويتكەنى جارىلىستان كەيىن كوپ ۋاقىت وتپەي، جارالانعانداردى تۋىستارى وقيعا ورنىنان ۇيلەرىنە الىپ كەتكەن. قازىر زارداپ شەككەندەردىڭ ناقتى سانى انىقتالىپ جاتىر.

ء«ال-شاباب ۇيىمداستىرعان شابۋىل كەم دەگەندە 8 ادامنىڭ ولىمىنە سەبەپ بولىپ وتىر. ولاردىڭ قاتارىندا اسكەري قىزمەتشى، انا مەن كىشكەنتاي 2 ءسابي بار. ءال-شاباب بەيبىت حالىقتى ءولتىردى»، دەدى پوليتسيا وكىلى.

سودىرلار پرەزيدەنت سارايىنا وتەتىن نەگىزگى ب­ا­قى­­لاۋ بەكەتىن كوزدەگەن دەگەن اقپارات بار. جەر­گى­­لىكتى باق ء«ال-شاباب تەورروريستىك توبى بي­لىك­تى ءوز قولىنا الىپ، ءوز ءتارتىبىن ورناتقىسى كەلەدى» دەپ جاز­­دى.

اتالعان توپ 2011 جىلعا دەيىن ەلدىڭ باس قا­لا­سىن باقىلاۋدا ۇستاعان. ودان كەيىن افريكا ودا­عى­نىڭ قارۋلى كۇشىنەن جەڭىلىپ، كەيىن شەگىنۋگە ءماجبۇر بولعان. دەگەنمەن، اۋىلدىق جەرلەردى ءالى دە باقىلاۋدا ۇستاپ، مەملەكەتتىك جانە ازاماتتىق نىساندارعا شابۋىل جاساپ تۇرادى.

وقيعا كۋاگەرلەرىنىڭ ايتۋىنشا، پوليتسيا قىز­مەت­كەرى كولىكتى توقتاتقان. ىلە ماشينا بىرنەشە سەكۋند­تىڭ ىشىندە جارىلىپ ۇلگەرگەن.

«پوليتسيا كولىكتى تەكسەرۋ ءۇشىن توقتاتتى. بۇل قالىپتى تەكسەرىس قوي. كولىك توقتاي سالىسىمەن جارىلدى. ال جانىندا بەيكۇنا ادامدار وتىرعان باسقا دا كولىكتەر بولدى»، دەيدى وقيعا ورنىندا بولعان مۇحاممەد حاسان.

ۇكىمەتتىڭ ءباسپاسوز قىزمەتى مەرت بولعاندار ارا­سىندا پرەمەر-ءمينيستردىڭ ادام قۇقىقتارى بو­يىنشا كەڭەسشىسى حيباك ابۋكار بارىن حابارلادى.

پرەمەر-مينيستر حۋسەين روبلە كەڭەسشىسىنىڭ ۇلكەن ءۇمىت كۇتتىرەتىن جاس مامان بولعانىن، ادال ءارى شىنشىل ادام ەكەنىن ايتىپ، جاقىندارىنا كوڭىل ءبىلدىردى. ودان بولەك، سومالي حالقىنا تەرروريزممەن بىرلەسىپ كۇرەسۋىمىز كەرەك دەگەن ۇندەۋ جولدادى.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار