سپورت • 26 قىركۇيەك، 2021

ماسكەۋدە جەتى جۇلدە الدىق

26 رەت كورسەتىلدى

رەسەي استاناسى - ماسكەۋدە بوكستان اسكەريلەر اراسىندا الەم چەمپيوناتى اياقتالدى. بۇل جارىستا قازاقستان قۇراماسى جەتى جۇلدەمەن قورىتىندىلادى. تارقاتىپ ايتساق، ءبىرجان جاقىپوۆ جاتتىقتىرعان كوماندا 3 التىن، 1 كۇمىس جانە 3 قولا مەدالدى ولجالادى. وسىنداي زور تابىسىنىڭ ارقاسىندا جەرلەستەرىمىز جالپى ەسەپتە ۇزدىك ۇشتىكتىڭ قاتارىنان كورىندى.   

جارتىلاي فينالدىق سايىستا قازاقستاندىقتار اراسىنان العاشقى بولىپ رينگكە 69 كيلو سالماق دارەجەسىندە باق سىناعان جاسمين قيزاتوۆا كوتەرىلدى. قازاقستاننىڭ ايەلدەر قۇراما كومانداسى مۇشەلەرى اراسىننان جالعىز سول سپورتشى عانا وسى مەجەگە دەيىن جەتكەن ەدى. بىراق ودان ارىگە ءجاسميننىڭ ءالى جەتپەدى. ول برازيليالىق باربارا ماريا دوس سانتوستان ۇتىلدى. ەرلەر سايىسىندا رۋستەم شاۋمەنوۆ (56 كيلو) پەن ايتجان ءاشىرحان (64 كيلو) قولا مەدالدى قاناعات تۇتتى. رۇستەم رەسەيلىك وۆيك وگانەسيانعا جول بەرسە، وزبەكستاندىق مۋدجيبيللو تۋرسۋنوۆ ايتجاننان ايلاسىن اسىردى. بۇل مەجەدە سۇرىنگەندەردىڭ بارلىعى دا قولا مەدالدى مويىندارىنا ءىلدى.

ازيا چەمپيونى تەمىرتاس ءجۇسىپوۆتىڭ (49 كيلو) رەسەيلىك ۆولوديا مناتسكانياننان مەرەيى ۇستەم بولسا، دامير ابدىرقادىر (52 كيلو) يرلانديالىق شون يمان ماريدەن باسىم ءتۇستى. تيمۋر نۇرسەيىتوۆ (75 كيلو) پەن فرانتسيالىق مورەنو فەندەرو اراسىنداعى باسەكە بارىسىندا قازاقستاندىق جانكۇيەرلەردىڭ ءبىراز قوبالجىعانى راس. ويتكەنى، ەكىنشى راۋندا قانداسىمىز نوكداۋن الىپ قالدى. بىراق نامىستى قولدان بەرمەگەن ول ءۇشىنشى راۋندا قارسىلاسىن قۋىپ ءجۇرىپ سابادى. ناتيجەسىندە رينگتەگى تورەشى تيمۋردىڭ قولىن كوتەردى. ابزال قۇتتىبەكوۆ تە (91 كيلو) سول كەشتە ءوزىن جاقسى قىرىنان كورسەتتى. ول فرانتسيا بوكسشىسى سوحەبا بوۋافيانىڭ بەتىن قانعا بوياپ، ءوزىنىڭ مىقتىلىعىن پاش ەتتى.

بوكس

فينالدا تەمىرتاس ليندەرسو كونسەيساو سيكۋەيرا دوس سامەن سايىسقا ءتۇستى. بۇل باسەكەدە قازاق جىگىتىنىڭ مىقتىلىعى ەگ كۇمان تۋعىزعان جوق. قالعان بوكسشىلارىمىزدىڭ بارلىعى دا رەسەيدىڭ جۋان جۇدىرىقتى جىگىتتەرىمەن قولعاپ ءتۇيىستىردى. دامير رەسەيلىك دميتري دۆاليدى ۇتقان ەدى. تورەشىلەر جەرلەسىمىزدىڭ جەڭىمپاز دەپ جاريالاعانىمەن، ارادا بىرەر ۋاقىت وتكەننەن سوڭ قارسى جاق پروتەست جازدى. قازىلار القاسى ءبىراز ويلانا-تولعانا كەلە جەڭىستى دۆاليگە بەردى. تيمۋر الەكسەي سمىكينگە سان سوقتىرسا، رەسەيدىڭ ابزال يۆان ساگايداكتى سىلىكپەسىن شىعاردى.

ماسكەۋدەگى جارىستىڭ جالپى كوماندالىق ەسەبىندە رەسەي قۇراماسى كوش باستادى. رينگ قوجايىندارى 4 التىن، 4 كۇمىس جانە 1 قولانى ولجالادى. ەكىنشى جانە ءۇشىنشى ورىندى قازاقستان مەن وزبەكستان ءوزارا ءبولىستى. باس جۇلدەنىڭ بىرەۋىن يەلەنگەن بەلارۋس ەلىنىڭ بوكسشىلارى ءتورتىنشى ساتىعا جايعاستى.   

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار