سپورت • 25 قىركۇيەك، 2021

اقتاۋدا ترياتلوننان قازاقستان كۋبوگىنىڭ فينالى ءوتتى

25 رەت كورسەتىلدى

بۇگىن كاسپي تەڭىزىنىڭ جاعالاۋىندا ترياتلوننان قازاقستان رەسپۋبليكاسى اشىق كۋبوگىنىڭ فينالى ءوتتى، دەپ حابارلايدى Egemen.kz Olympic.kz-كە سىلتەمە جاساپ.

جارىسقا Elite، U23 جانە U19 ساناتىنداعى سپورتشىلار قاتىستى، ولار ستاندارتتى جانە سپرينت قاشىقتىقتارىندا سايىسقا ءتۇستى. اقتاۋ جارىس قاتىسۋشىلارىن داۋىلمەن قارسى الدى، سول سەبەپتى جارىس بەلگىلەنگەن ۋاقىتتان 30 مينۋتقا كەشىرەك باستالدى.

اۋا تەمپەراتۋراسى 19 °C، ال سۋ 17.7 °C بولدى.

Elite جانە U23 ساناتىنداعى ەرلەر جارىستى ءبىرىنشى بولىپ باستادى، بىراق ءونى بارى بىردەي اياقتاي المادى.

«ەليتادا» ونەر كورسەتكەن اناۋرا تۇرۋباەۆا (الماتى) ءجۇزۋ كەزەڭىندە دۇرىس بۇرىلماعانى ءۇشىن جارىستان شەتتەتىلدى. ناتيجەسىندە، جەڭىسكە اقمولا وبلىسىنىڭ وكىلدەرى جەتتى. مەيىرلان ىسقاقوۆ 2:12:35 ناتيجەسىمەن ءبىرىنشى ورىندى يەلەنسە، تەمىرلان تەمىروۆ 2:13:22 ۋاقىتىمەن ەكىنشى ورىندى يەلەندى. 23 جاسقا دەيىنگى سپورتشىلار ساناتىندا قارسىلاستارىنان ءابسوليۋتتى باسىمدىقپەن 2:07:06 ناتيجە كورسەتكەن دارىن قونىسباەۆ (نۇر-سۇلتان) التىندى جەڭىپ الدى.

ايتا كەتسەك، دارىن قاشىقتىقتان كۇننىڭ ەڭ جاقسى ۋاقىتىن كورسەتتى. كوشباسشىعا 5 مينۋتتان ارتىق ۋاقىت بەرگەن الماتىلىق كيريلل روجكوۆ كۇمىس جۇلدەگەر اتاندى. ۇشتىكتى ەراسىل امانجولوۆ (تۇركىستان وبلىسى) ساعات 2:15:13-تە تۇيىقتادى.

قىزدار اراسىندا ءبىرىنشى ورىندى الماتىلىق سپورتشىلار يەلەندى: «ەليتا» - داريا بىچكوۆا (2:33:23)، ال U23 ساناتىندا - يۋليا وزەروۆا (2:36: 26).

جاسوسپىرىمدەر اراسىندا تۇعىردى الماتىلىق سپورتشىلار يەلەندى: الەكساندر تەن ءبىرىنشى ورىندا (1:01:21)، ەگور كرۋپياكوۆ ەكىنشى ورىندا (1:01:58) جانە دانيل پورودنوۆ ءۇشىنشى ورىندا (1:02:15).

قىزداردىڭ اراسىندا جۇلدەلى ورىنداردى وڭتۇستىكتىڭ وكىلدەرى يەلەندى: حافيزا گۋلتۋراەۆا (1:25:48) ءبىرىنشى بولىپ مارەگە جەتتى، ارۋجان امانجولوۆا (1:39:36) ەكىنشى بولىپ مارەگە جەتتى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار