وقيعا • 25 قىركۇيەك، 2021

كولىك ۇرلاۋشى پوليتسيا قىزمەتكەرىن قاعىپ كەتتى

59 رەت كورسەتىلدى

نۇر-سۇلتاندا اۆتوكولىك ۇرىسى بىرنەشە كولىكپەن سوعىسىپ، پوليتسيا قىزمەتكەرىن قاعىپ كەتتى، دەپ حابارلايدى Egemen.kz.

پوليتسيا ءمالىم ەتكەندەي، 25 قىركۇيەك كۇنى ساعات 13:55-تە 102-ارناعا ساعات 05:00-دە قاراعاندى وبلىسىنىڭ جاڭاارقا كەنتىندە Mitsubishi ماركالى اۆتوكولىك ۇرلانعانى تۋرالى حابارلاما كەلىپ تۇسكەن. كولىك ەلوردا اۋماعىندا تىركەلدى.

«اۆتوپاترۋلدەرگە كولىك ۇرلانعانى تۋرالى اقپارات بەرىلدى. جۇرگىزۋشى پوليتسيا قىزمەتكەرلەرىنىڭ زاڭدى تالاپتارىنا باعىنباي، جول ەرەجەسىن ورەسكەل بۇزۋدى جالعاستىرىپ، ازاماتتاردىڭ ءومىرى مەن دەنساۋلىعىنا قاۋىپ ءتوندىردى. تاشەنوۆ كوشەسى بويىندا اۆتوكولىككە پوليتسيا جاساقتارى توسقاۋىل قويدى. الايدا كولىك قوزعالىسىن جالعاستىرا وتىرىپ، جۇرگىزۋشى دەنە جاراقاتىمەن اۋرۋحاناعا جەتكىزىلگەن پوليتسيا قىزمەتكەرىنە شابۋىل جاسادى»، دەپ حابارلادى پوليتسيا دەپارتامەنتى.

وقيعا ۆيدەوسى الەۋمەتتىك جەلى ىشىندە تارادى. پوليتسيا 22 جاستاعى ءتارتىپ بۇزۋشى ۇستالىپ، ۋۇي-عا قاماۋعا الىنعانىن ايتتى. تەرگەۋ امالدارى جۇرگىزىلىپ جاتىر. ۇرلىقتان باسقا بۇزۋشىعا قاتىستى قر قك 380-بابى 3-بولىگى بويىنشا قىلمىستىق ءىس قوزعالدى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار