الەم • 24 قىركۇيەك، 2021

«تاليبان» رەسەيدەن كومەك سۇرادى

54 رەت كورسەتىلدى

«تاليبان» قوزعالىسى رەسەيدەن بۇۇ سانكتسيالارىن الىپ تاستاۋعا جانە ەلدى قالپىنا كەلتىرۋگە كومەك بەرۋىن سۇرادى، دەپ جازادى Egemen.kz.

© ريا نوۆوستي / سترينگەر

بۇل تۋرالى ريا نوۆوستي اگەنتتىگىنە بەرگەن سۇحباتىندا اۋعانستان ۋاقىتشا ۇكىمەتىنىڭ مادەنيەت جانە اقپارات ءمينيسترىنىڭ ورىنباسارى زابيۋللا مۋجاحيد ايتتى.

«ول (رەسەي) ءبىز بەن بۇۇ اراسىنداعى سانكتسيا قىسىمىنىڭ دەڭگەيىن تومەندەتۋ ماسەلەسىندە جاڭا دەلدال بولا الادى، سونىمەن قاتار ءبىز ودان ايماقتاعى، اسىرەسە اۋعانستاندى قايتا قۇرۋ پروتسەسىندەگى جاعدايدى بەيبىت جولمەن رەتتەۋگە كومەكتەسۋىن سۇرايمىز»، دەدى مۋجاحيد.

ءمينيستردىڭ ورىنباسارىنىڭ ايتۋىنشا، يسلام رەسپۋبليكاسىنىڭ ۇكىمەتى بۇۇ قاۋىپسىزدىك كەڭەسىنىڭ الداعى وتىرىستارىندا كابۋل ءۇشىن «ناقتى وڭ ناتيجەلەر» بولاتىنىنا سەنەدى.

ءوز كەزەگىندە رەسەيدىڭ حالىقارالىق ۇيىمداعى وكىلى ۆاسيلي نەبەنزيا اۋعانستاننان سانكتسيالاردى الىپ تاستاۋ ماسەلەسى ءالى كۇن تارتىبىنە شىقپاعانىن ايتتى. ونىڭ ايتۋىنشا، قازىرگى كەزدەگى ەڭ وزەكتى ماسەلە – ەلگە گۋمانيتارلىق كومەك كورسەتۋ.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار