الەم • 24 قىركۇيەك، 2021

ەلبرۋستا بەس الپينيست قايتىس بولدى

56 رەت كورسەتىلدى

23 قىركۇيەك كۇنى كەشكە ەلبرۋستا كومەك سۇراعان الپينيستەر توبىنداعى قازا تاپقاندار سانى بەس ادامعا جەتتى، دەپ حابارلايدى Egemen.kz تاسس اگەنتتىگىنە سىلتەمە جاساپ.

رف تجم كاباردينو-بالكاريا بويىنشا باس باسقارماسىنىڭ باستىعى ميحايل نادەجين ءمالىم ەتكەندەي، 19 ادامنان تۇراتىن الپينيستەر توبى كاباردينو-بالكارياداعى ەلبرۋس باۋرايىندا 5400 م بيىكتىكتە بولعان. قاتىسۋشىلاردىڭ جاسى 30-دان اسادى، ولار رەسەيدىڭ 11 ايماعىنان كەلگەن.

سوڭعى مالىمەتتەر بويىنشا، توپتىڭ بەس مۇشەسى قايتىس بولدى، كوپتەگەن الپينيستەر جاراقات الىپ، قاتتى ايازدان قالتىرادى. سەگىز ادامنىڭ جاعدايى ورتاشا اۋىر. توپتىڭ قۇتقارىلعان مۇشەلەرى قازا تاپقاندار جاتقان جەردى كورسەتتى. قۇتقارۋشىلار كەلگەن كەزدە زارداپ شەككەندەر ءومىر بەلگىلەرىن كورسەتپەدى.

«گارا-باشي» ستانتسياسىندا 3 900 مەتر بيىكتىكتە اپاتتار مەديتسيناسى دارىگەرلەرى ءولىمدى انىقتادى»، دەدى نادەجين.

نادەجين ىزدەستىرۋ-قۇتقارۋ جۇمىستارى بارىسىندا 14 ادامدى تاۋىپ، تومەن جەتكىزىپ، دارىگەرلەرگە تاپسىرعانىن اتاپ ءوتتى. ولاردىڭ 11-ءى نالچيكتەگى رەسپۋبليكالىق كلينيكالىق اۋرۋحاناعا جەتكىزىلدى، ال ۇشەۋى اۋرۋحاناعا جاتۋدان باس تارتتى. ونىڭ ايتۋىنشا، ەلبرۋستاعى ىزدەستىرۋ-قۇتقارۋ جۇمىستارى جەتى ساعاتتان استام ۋاقىتقا سوزىلدى. ىزدەستىرۋگە بارلىعى 69 ادام مەن 16 بىرلىك تەحنيكا تارتىلدى.

ەسكە سالا كەتسەك، جاقىندا ەلبرۋس باۋرايىندا الپينيستەر اۋا-رايىنىڭ قولايسىزدىعىنا تاپ بولىپ، قۇتقارۋشىلاردان كومەك سۇرادى. وقيعا ورنىنا ىزدەستىرۋ-قۇتقارۋ توبى شىقتى. كەيىنىرەك قۇتقارۋشىلار تاۋدا بولعان 19 ادامنان تۇراتىن توپتىڭ بارلىق مۇشەلەرىن تابا العانى بەلگىلى بولدى.

الدىن الا اقپارات بويىنشا، الپينيستەر توبىن ەرتىپ جۇرگەن گيد ولاردى تاستاپ، تومەن قاراي كەتىپ قالدى.

سوڭعى جاڭالىقتار

الماتىدا قىلمىس ازايدى

ايماقتار • كەشە

ۇقساس جاڭالىقتار