جيىندا قىرىمبەك كوشەرباەۆ كەلەر جىلى مەملەكەتتىك رامىزدەردىڭ قابىلدانعانىنا 30 جىل تولاتىنىنا, ايتۋلى داتانى رەسپۋبليكالىق دەڭگەيدە مەرەكەلەۋدىڭ ماڭىزدىلىعىنا توقتالىپ, ءتيىستى ءىس-شارالار جوسپارىن دايىنداۋدى تاپسىردى.
كوميسسيا توراعاسى مەملەكەتتىك رامىزدەر كۇنىن مەرەكەلەۋدىڭ باستى ماقساتى – قازاقستاندىق ءپاتريوتيزمدى ناسيحاتتاۋ, جاس ۇرپاقتى تاۋەلسىزدىك نىشاندارىنا قۇرمەتپەن قاراۋعا تاربيەلەۋ ەكەنىن اتاپ ءوتتى.
وتىرىستا مادەنيەت جانە سپورت ءمينيسترى اقتوتى رايىمقۇلوۆانىڭ گەرالديكالىق زەرتتەۋلەر ورتالىعىنىڭ قىزمەتى جانە مەملەكەتتىك ورگانداردىڭ ۆەدومستۆولىق ناگرادالارىن وڭتايلاندىرۋ جايىندا بايانداما جاسادى.
سونداي-اق قارجى ءمينيسترى ەرۇلان جاماۋباەۆ, اقپارات جانە قوعامدىق دامۋ ءمينيسترى ايدا بالاەۆا, سولتۇستىك قازاقستان وبلىسىنىڭ اكىمى قۇمار اقساقالوۆ جانە ماڭعىستاۋ وبلىسىنىڭ اكىمى نۇرلان نوعاەۆ مەملەكەتتىك رامىزدەردى ناسيحاتتاۋ جانە پايدالانۋ بويىنشا جۇرگىزىلىپ جاتقان جۇمىستار تۋرالى ەسەپ بەردى.
ءبىلىم جانە عىلىم ءمينيسترى اسحات ايماعامبەتوۆ, ساۋدا جانە ينتەگراتسيا ءمينيسترى باقىت سۇلتانوۆ, توتەنشە جاعدايلار ءمينيسترىنىڭ مىندەتىن اتقارۋشى يبراگيم كۇلشىمباەۆ, قارجىلىق مونيتورينگ اگەنتتىگى توراعاسىنىڭ مىندەتىن اتقارۋشى جەڭىس ەلەمەسوۆ ۆەدومستۆولىق ناگرادالارعا بايلانىستى ۇسىنىستارىن ايتتى.
سونىمەن قاتار گەرالديكالىق زەرتتەۋلەر ورتالىعىنىڭ ديرەكتورى الىبەك اسقاروۆ «قازاق گەرالديكاسى» كىتاپ-البومىنىڭ تۇساۋكەسەرىن وتكىزدى.
وتىرىس قورىتىندىسى بويىنشا مەملەكەتتىك حاتشى ۆەدومستۆولىق ناگرادالاردى وڭتايلاندىرۋ جونىندەگى جۇمىستى جالعاستىرۋدى, مەملەكەتتىك رامىزدەردى تانىمال ەتۋدە جانە جاستارعا پاتريوتتىق تاربيە بەرۋدە قوعامدىق ۇيىمداردىڭ الەۋەتىن كەڭىنەن پايدالانۋدى تاپسىردى.
