دەپۋتاتتار اۋىلدىق ەلدى مەكەندەرگە مەديتسينا ماماندارىن تارتۋعا بىرقاتار جۇمىستار جاسالعانىنا قاراماستان, وبلىستاردا, سونىڭ ىشىندە شالعاي اۋدانداردا كەيبىر دارىگەر ماماندار ءالى دە جەتىسپەي جاتقانىن جەتكىزدى.
«مىسالى, كەز كەلگەن مەديتسينالىق وتالاردا وتە قاجەتتى انەستەزيولوگ-رەانيماتولوگ, سول سياقتى ينفەكتسيونيست, تراۆماتولوگ, پۋلمانولوگ, ەندوكرينولوگ سياقتى ماماندار كوپتەگەن اۋدانداردا جەتىسپەيدى. COVID-19 سياقتى اۋىر ناۋقاستان جازىلعان ادامدارعا رەابيليتولوگ قاجەت. ول مۇلدەم جوقتىڭ قاسى. ولاردى ايتپاعاندا, اكۋشەر-گينەكولوگ, حيرۋرگ, فتيزياتور سياقتى ماماندار دا جەتىسپەيدى. الىس اۋدانداردا وسىنداي كادر جەتىسپەۋىنە بايلانىستى وزدەرىنە كەلىپ تۇسكەن اۋرۋلاردى سانيتارلىق-اۆياتسيا شاقىرتىپ, وبلىس ورتالىقتارىنا جىبەرۋدى جيىلەتكەن. بۇنىڭ بارىنە بيۋدجەتتەن قاراجات قاجەت», دەدى دەپۋتاتتار.
دەپۋتاتتاردىڭ ايتۋىنشا, بۇل ەلىمىزدىڭ بارلىق وبلىسىنا ءتان پروبلەما. مىسالى, اتىراۋ وبلىسى بويىنشا بارلىعى - 219, ونىڭ ىشىندە اۋىلدىق جەرلەرگە 63 مامان جەتىسپەسە, ماڭعىستاۋ وبلىسى بويىنشا بارلىعى - 221, باتىس قازاقستان وبلىسىندا بارلىعى 267 مامان جەتىسپەيدى.
جاعدايدىڭ بۇلايشا ۋشىعۋىنا گرانت بويىنشا وقىعان مەديتسينالىق جوو كەيبىر تۇلەكتەرىنىڭ مىندەتتى ءبولۋ ادىسىنە باعىنباي, وزدەرى بولىنگەن جۇمىس ورنىنا بارماي قالۋلارى سەبەپ بولىپ وتىر. سونىمەن قاتار, مەديتسينالىق جوعارى وقۋ ورىندارى ۇشىن بولىنەتىن گرانت سانى تۇسىنىكسىز سەبەپتەرمەن 2020 جىلى ازايىپ
كەتكەن (2019 ج-4685, 2020 ج-4638 گرانت).
دەپۋتتارتتار وسى ماسەلەلەردى ەسكەرە كەلە, «Nur Otan» پارتياسىنىڭ 2025 جىلعا دەيىنگى سايلاۋالدى
باعدارلاماسى جول كارتاسىنىڭ ورىندالۋىنا سايكەس, 2021 جىلدان باستاپ مەديتسينالىق جوعارى وقۋ ورىندارىنا گرانت سانىن ۇلعايتۋدى ۇتىمدى پايدالانىپ, كادر جەتىسپەۋ ماسەلەسىن شەشۋدى, سونداي-اق گرانتپەن وقىعان تۇلەكتەردىڭ وزدەرى بولىنگەن جۇمىس ورنىنا سەبەپسىز بارماي قالۋىن توقتاتۋدى سۇرادى. سونىمەن قاتار مەديتسينا مامانى جەتىسپەيتىن ايماقتاردا كۆوتا سانىن كوبەيتۋدى, اۋىلدىق ەلدى مەكەندەردەگى جالپى پراكتيكا دارىگەرلەرىن بىلىكتىلىك ارتتىرۋ كۋرسىنا جىبەرۋ ارقىلى اۋىلدىق جەرگە قاجەت دارىگەرلەردى تارتۋعا مۇمكىنشىلىك قاراستىرۋدى سۇرادى.
