قازاقستان • 23 قىركۇيەك، 2021

قازاقستاندا ديزەل وتىنىنا سۇرانىس ارتتى

81 رەت كورسەتىلدى

قازاقستاندا ديزەل وتىنىن رەكوردتىق تۇتىنۋ بايقالۋدا. بۇل تۋرالى قر ەنەرگەتيكا مينيسترلىگىنىڭ مۇناي تاسىمالداۋ جانە وڭدەۋ دەپارتامەنتىنىڭ ديرەكتورى باۋىرجان سالىمگەرەەۆ ءمالىم ەتتى، دەپ حابارلايدى Egemen.kz.

«بيىل ديزەل وتىنىن تۇتىنۋدىڭ ايتارلىقتاي ءوسۋى بايقالادى، شىڭى 2021 جىلدىڭ تامىزىنا كەلدى. تۇتىنۋ كولەمى 519 مىڭ توننانى قۇرادى، بۇل وتكەن جىلمەن سالىستىرعاندا 84 مىڭ تونناعا جانە 2019 جىلمەن سالىستىرعاندا 37 مىڭ تونناعا ارتىق. بۇل ەلدىڭ ىشكى نارىعىنىڭ تاريحىندا ءبىر ايداعى تۇتىنۋدىڭ رەكوردتىق كورسەتكىشى. قىركۇيەكتىڭ ءبىرىنشى جارتىسىنىڭ قورىتىندىسى بويىنشا ءبىز تۇتىنۋعا قاتىستى وسىنداي جاعدايدى بايقاپ وتىرمىز»، دەدى ول.

ونىڭ ايتۋىنشا، تۇتىنۋ ءوسىمىنىڭ نەگىزگى سەبەپتەرىنىڭ ءبىرى ترانزيتتىك جۇك تاسىمالىنىڭ ماۋسىمدىق ۇلعايۋى بولىپ تابىلادى.

«بۇگىندە قازاقستاندا ديزەل وتىنى كورشى ەلدەرگە قاراعاندا ارزان، رەسەيدەن - 90 تەڭگەگە، وزبەكستانمەن سالىستىرعاندا - 77 تەڭگەگە جانە قىرعىزستانمەن سالىستىرعاندا - 60 تەڭگەگە ارزان. ايىرماشىلىقتىڭ جوعارى بولۋىنا بايلانىستى بىزدە بارلىق ترانزيتتىك جۇك كولىكتەرى تولتىرىلادى. ءىرى جمقس اقپاراتى بويىنشا، قالالىق جمقس شامامەن 80% بەنزين مەن 20% ديزەل وتىنىن ساتادى، ال تراسسالاردا ورنالاسقان جمقس-دا كەرى اراقاتىناس بايقالادى»، دەپ ناقتىلادى ۆەدومستۆو وكىلى.

ەنەرگەتيكا مينيسترلىگىنىڭ دەرەكتەرى بويىنشا رەسۋرس ۇستاۋشىلاردىڭ بوساتۋ باعاسى تونناسىنا 189 مىڭ تەڭگەنى نەمەسە ليترىنە 159 تەڭگەنى، ء«اموز» جشس-نە تونناسىنا 187 مىڭ تەڭگەنى نەمەسە ققس-تى قوسا العاندا 159 تەڭگە/ليتردى قۇرايدى. جەتكىزۋ مەن ساقتاۋدى ەسكەرە وتىرىپ، ديزەل وتىنىنىڭ باعاسى وڭىرگە بايلانىستى شامامەن 175-180 تەڭگەنى قۇرايدى، بۇل جقس باعاسىنان ارزان.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار