ونەر • 23 قىركۇيەك، 2021

«بارىمتاشىلار. ۋاقىت جولى» ءفيلمى وتاندىق پروكاتقا شىقتى

93 رەت كورسەتىلدى

سامال ەسلياموۆا باستى ءرولدى سومدايتىن «بارىمتاشىلار. ۋاقىت جولى» ءفيلمى وتاندىق پروكاتقا شىقتى، دەپ حابارلايدى Egemen.kz.

«قازاقفيلم» جانە جاپوندىق Tokyo New Cinema كومپانياسى اتسالىسقان «ۋاقىت جولدارى» فيلمىندە تىنىش ءومىرىنىڭ شىرقىن بۇزىپ، بارىمتاشىلار وتاعاسىن اياۋسىز ولتىرگەن وتباسى تۋرالى باياندالادى.

كارتينانىڭ رەجيسسەرلەرى - ەرلان نۇرمۇحامبەتوۆ (قازاقستان) جانە ليزا تاكەبا (جاپونيا).

«جاپوندىق رەجيسسەرمەن كانن كينوفەستيۆالىندە تانىستىم. بۇل فەستيۆالگە نۇر-سۇلتان قالاسىنداعى ونەر ۋنيۆەرسيتەتىنىڭ اتىنان قاتىسقان ەدىم. رەجيسسەرگە ءفيلمنىڭ ستسەناريى تۋرالى ايتىپ بەردىم، وعان كارتينانىڭ جەلىسى بىردەن ۇنادى. كەيىن تەلەفون ارقىلى بايلانىسقا شىقتىق، ول مەنى جاپوندىق پروديۋسەرمەن تانىستىردى. ناتيجەسىندە «قازاقفيلم» كينوستۋدياسىنىڭ قولداۋىن تاۋىپ، ءفيلمنىڭ تۇسىرىلىمىنە كىرىستىك»، دەدى رەجيسسەر ەرلان نۇرمۇحامبەتوۆ.

ايتا كەتسەك، فيلمدە باستى رولدەردى كانن كينوفەستيۆالىندە ۇزدىك اكتريسا اتانعان سامال ەسلياموۆا، تانىمال قازاقستاندىق تەاتر جانە كينو اكتەرى دۋلىعا اقمولدا جانە جاپوندىق اكتەر ميراي مورياما، ال اكەسىن جوعالتقان بالانىڭ ءرولىن ءمادي مينايداروۆ ەسىمدى جاس اكتەر سومدادى.

«مەن ەسىك قالاسىنىڭ تۇرعىنىمىن. سول جەردە اكتەرلىك كۋرستان ءوتتىم. وقۋدى بىتىرگەننەن كەيىن ءبىزدى كاستينگكە شاقىردى، مەن ءوز تاعدىرىمدى سىناۋ ءۇشىن الماتىعا كەلدىم. ەرلان اعا ماعان باستى ءرولدى بەردى. ماعان كينو وتە ۇنادى. باسىندا قيىن بولدى. اسىرەسە، اتقا ءمىنىپ ءجۇرۋ، ويتكەنى مەن بۇرىن اتقا ءمىنىپ كورگەن ەمەسپىن. كاسكادەرلەر ماعان كومەكتەستى، ۇيرەتتى»، دەيدى 14 جاستاعى ءمادي مەنايداروۆ.

ايتا كەتەيىك، «بارىمتاشىلار. ۋاقىت جولى» ءفيلمى العاش رەت 2019 جىلى ازياداعى ەڭ ءىرى كينوفەستيۆالدەردىڭ ءبىرى – حالىقارالىق بۋسان كينوفەستيۆالى شەڭبەرىندە كورسەتىلدى.

ال بىلتىر اتالعان تۋىندى توكيوداعى حالىقارالىق كينوفەستيۆال شەڭبەرىندە كورسەتىلىپ، جاپونيادا پروكاتقا شىقتى. سونداي-اق كارتينا Göteborg International Film Festival اتتى سكانديناۆياداعى ەڭ ءىرى فەستيۆالدە كورسەتىلدى.

ودان بولەك فيلم گونكونگ، پراگا، بارسەلونا، نيۋ-دەلي، حەلسينكي، تورونتو، كوتتبۋس، جەنەۆا سىندى قالالاردا وتكەن فەستيۆالدەرگە قاتىستى.

2021 جىلدىڭ 29 ماۋسىمىندا «ۋاقىت جولدارى» ءفيلمى فرانتسيادا پروكاتقا شىعىپ، 20-دان استام قالادا كورسەتىلدى.

قازان ايىندا قازاقستان مەن جاپونيا بىرلەسىپ تۇسىرگەن فيلم ساندىق TV+ تەلەارناسى ارقىلى كورسەتىلەتىن بولادى.

 

 

 

سوڭعى جاڭالىقتار

«نورۆەگ ورمانى» نەگە جازىلدى؟

ادەبيەت • بۇگىن، 22:30

ولكەتانۋشى

قازاقستان • بۇگىن، 22:21

كەبەنەك

تاريح • بۇگىن، 22:19

تۇركيا تىم ۇزاپ كەتتى

سپورت • بۇگىن، 22:12

ساۋكەلە

ونەر • بۇگىن، 21:57

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار