يۋنيسەف-ءتىڭ جاريالاعان ەسەبىنە سۇيەنسەك, COVID-19 داعدارىسى مەن قاقتىعىستار سالدارىنان 91 ەلدەگى بالالاردىڭ تاماقتانۋى مۇلدەم قيىنداپ كەتكەن. دامۋشى ەلدەردە 6 ايدان 23 ايعا دەيىنگى بالالاردىڭ جارتىسى كۇندەلىكتى قاجەت تاماقتىڭ ەڭ از مولشەرىن دە الماعان.
بەيسەنبىدە بىرىككەن ۇلتتار ۇيىمىنىڭ ازىق-ت ۇلىك قاۋىپسىزدىگى ءسامميتى قارساڭىندا يۋنيسەف-ءتىڭ ۇلىبريتانيا وكىلدىگى تۇماندى البيون تاماقتانۋعا ينۆەستيتسيا سالۋ ارقىلى بۇل ماسەلەنى شەشۋگە كومەكتەسەتىنىن ايتتى.
دۇرىس تاماقتانباۋدىڭ سالدارىنان بالالار مەكتەپتەن قالىپ, اۋرۋعا شالدىعۋى مۇمكىن. سونىڭ ىشىندە بويلارى وسپەي, ارىقتاپ نەمەسە ارتىق سالماق قوسىپ, سەمىرىپ كەتۋلەرى مۇمكىن. يۋنيسەف-ءتىڭ باعالاۋى بويىنشا بۇكىل الەم بويىنشا ەكى جاسقا دەيىنگى
11 ميلليوننان استام بالا وسىنداي زارداپ شەگىپ ءجۇر.
