كەيبىر ءىرى اۆتوكولىك وندىرۋشىلەرى, سونىڭ ىشىندە BMW (BMWG.DE) جانە Audi (VOWG_p.DE) قازبا وتىننان باس تارتىپ, توقپەن جۇرەتىن كولىكتەرگە باسىمدىق بەرمەك. سونداي-اق سۋتەگى وتىنىمەن جۇرەتىن جەڭىل اۆتوكولىكتەردىڭ پروتوتيپتەرىن جاساپ شىعارادى.
جاھاندىق اۆتوموبيل الىبىنا اينالۋ – گەرمانيانىڭ باستى نازارىندا. سوعان بايلانىستى قازىردىڭ وزىندە كليماتتىق ماقساتتارعا جەتۋ ءۇشىن بولات پەن حيميا سەكىلدى سەكتورلاردا سۋتەگى وتىنىنا ەرەكشە ءمان بەرىپ وتىر.
BMW سۋتەگىمەن جۇرەتىن كولىك شىعارۋ بويىنشا گەرمانيادا الدىڭعى ورىندا تۇر. كومپانيا اۆتوموبيل وندىرۋشىلەرىنىڭ اراسىندا 2030 جىلى جاپپاي نارىققا شىقپاق.
سۋتەگىمەن جۇرەتىن اۆتوكولىك باعدارلاماسىن باسقاراتىن BMW-نىڭ ۆيتسە-پرەزيدەنتى يۋرگەن گۋلدنەر Reuters اگەنتتىگىنە اۆتوكونتسەرن 2022 جىلى 100-گە جۋىق ماشينا شىعاراتىنىن ايتقان.
