«جىلىتۋ پەشتەرى مەن جۇيەلەرىنىڭ ءتۇتىن مۇرجالارى مەن باسقا دا ەلەمەنتتەرى تىكەلەي جىلىتۋ ماۋسىمى باستالار الدىندا, سونداي-اق جىلىتۋ ماۋسىمى كەزىندە: ءۇش ايدا ءبىر رەت – جىلىتۋ پەشتەرى, ەكى ايدا ءبىر رەت – ۇزدىكسىز جۇمىس ىستەيتىن پەشتەر مەن وشاقتار كۇيەدەن تازارتىلۋى ءتيىس», دەپ ەسكەرتەدى تجم ءباسپاسوز قىزمەتى.
تجم حابارلاۋىنشا, پەش جاققان كەزدە:
- جانىپ جاتقان پەشتى قاراۋسىز قالدىرۋعا, سونداي-اق بالالارعا تاپسىرىپ كەتۋگە;
- وتىندى, سونداي-اق باسقا دا جانعىش زاتتار مەن ماتەريالداردى جاعۋ الدىنداعى قاعازعا قويۋعا;
- قاتتى وتىنمەن جاناتىن پەشكە تەز تۇتاناتىن جانە جانعىش سۇيىقتىقتاردى قولدانۋعا;
- قاتتى وتىنعا ارنالماعان پەشتى كومىرمەن, كوكسپەن جانە گازبەن جاعۋعا;
- ءۇي-جايلاردا جينالىس جانە باسقا دا بۇقارالىق ءىس-شارا وتكىزۋ كەزىندە پەش جاعۋعا;
- پەشتى قىزدىرۋعا;
- اياق كيىم, كيىم, وتىن سىندى جانعىش زاتتار مەن ماتەريالداردى پەشتەن 0,5 مەتردەن جاقىن جەردە كەپتىرۋگە;
- جەلدەتۋ جانە گاز كانالدارىن مۇرجالار رەتىندە پايدالانۋعا;
- ديامەترى 15 مم كەم ساڭىلاۋى بار جاپقىشتاردى پايدالانۋعا;
- اقاۋى, ساڭىلاۋى بار پەشتى جاعۋعا تىيىم سالىنادى.
