الماتى پوليتسيا دەپارتامەنتى «بورىشكەر» جەدەل الدىن الۋ ءىس-شاراسى اياسىندا ايىپپۇل تولەمەيتىندەر بويىنشا پىسىقتاۋ باستالعانىن حابارلادى.
اۆتوموبيلدەردىڭ قارقىندى اعىنى بار جەرلەردە جۇمىس ىستەۋگە جول-پاترۋلدىك پوليتسياسىنىڭ اۆتوەكيپاجدارى جۇمىلدىرىلدى. سونداي-اق «جقق» ااج جانە «سەرگەك» اوك قولدانىلادى, ولار سالىنعان اكىمشىلىك ايىپپۇلدار بويىنشا بەرەشەگى بار بورىشكەرلەردى اۆتوماتتى تۇردە انىقتايدى.
«جوسپارلى مەرزىمدى ءىس-شارا شەكتەۋلەرى بار, ياعني قاماۋعا الىنعان ادامدار مەن كولىك قۇرالدارىن, سونداي-اق زاڭدا بەلگىلەنگەن مەرزىمدە اكىمشىلىك قۇقىق بۇزۋشىلىق تۋرالى ءىس بويىنشا ورىندالماعان قاۋلىلارى بار قاساقانا تولەمەۋشىلەردى انىقتاۋعا باعىتتالعان», دەپ حابارلادى الماتى قالاسى پد اكىمشىلىك پوليتسيا باسقارماسىنىڭ باستىعى نۇرلان امانبەك.
جۇيە قوزعالىستاعى كولىك اعىنىندا ءتارتىپ بۇزۋشىنى انىقتاعان جاعدايدا ينسپەكتور ماشينانى توقتاتىپ, توقتاۋ سەبەبىن تۇسىندىرەدى. ودان كەيىن ءتارتىپ بۇزۋشىنىڭ اۆتوكولىگى ارنايى ايىپ تۇراعىنا جابىلادى. كەلگەن جەرى بويىنشا قر اكىمشىلىك قۇقىق بۇزۋشىلىق تۋرالى كودەكسىنە سايكەس الىپ قويۋ حاتتاماسى تولتىرىلادى.
«ۇستالعان كولىك قۇرالىن ايىپپۇل تۇراعىنان بەرۋ سالىنعان ايىپپۇل تۋرالى قاۋلىلار تولىق ورىندالعان كەزدە عانا جۇزەگە اسىرىلادى. مۇنداي شارالار قۇقىق بۇزۋشىلاردىڭ زاڭدى مىندەتتەمەلەرىن ۋاقتىلى ورىنداۋىنا ءتيىمدى اسەر ەتەدى دەپ ەسەپتەيمىن», دەپ اتاپ ءوتتى ول.
سونداي-اق ءىس-شاراعا جەكە سوت ورىنداۋشىلارىنىڭ وڭىرلىك پالاتاسىنىڭ سوت ورىنداۋشىلارى مەن الماتى قالاسى پروكۋراتۋراسىنىڭ قىزمەتكەرلەرى قاتىسادى.
