بۋداپەشتتە وتكەن 2022 جىلعى الەم چەمپيوناتىنىڭ ىرىكتەۋ ماتچىندا ۆەنگريا جانكۇيەرلەرى بريتاندىق قارا ءناسىلدى ويىنشىلارعا مايمىلدىڭ داۋسىن سالىپ ايقايلاعان. سونداي-اق اعىلشىن قاقپاسىنا دارەتحانا قاعازىن لاقتىرعان. جانكۇيەرلەردىڭ قىسىمىنا قاراماستان, اعىلشىندار 4:0 ەسەبىمەن جەڭدى.
ويىننان كەيىن ۇلىبريتانيا پرەمەر-ءمينيسترى بوريس دجونسون جانكۇيەرلەردىڭ ارەكەتىن سىناپ, فيفا-نى قاتاڭ شارا قولدانۋعا شاقىردى.
فەدەراتسيا شەشىمىمەن ۆەنگريا قۇراماسى الداعى ەكى كەزدەسۋىن جانكۇيەرلەرسىز وتكىزەدى. سونىمەن قاتار 200 مىڭ فرانك ايىپپۇل تولەۋگە مىندەتتەلدى.
«فيفا ناسىلشىلدىك پەن زورلىق-زومبىلىقتىڭ كەز كەلگەن تۇرىنە, سونداي-اق كەمسىتۋشىلىكتىڭ نەمەسە قورلاۋدىڭ كەز كەلگەن باسقا تۇرىنە مۇلدەم توزبەۋشىلىك تۋرالى ناقتى ۇستانىمعا يە», دەپ جازىلعان فەدەراتسيانىڭ سايتىندا.
