الەم • 21 قىركۇيەك, 2021

اۋعانستاننىڭ ۋاقىتشا ۇكىمەتىنە ەكى جاڭا مينيستر تاعايىندالدى

200 رەت
كورسەتىلدى
1 مين
وقۋ ءۇشىن

اۋعانستاندا بيلىكتى باسىپ العان راديكالدى «تاليبان» قوزعالىسى ەلدىڭ ۋاقىتشا ۇكىمەتىنە ەكى جاڭا مينيستر تاعايىندادى. بۇل تۋرالى كابۋلدا وتكەن ءباسپاسوز كونفەرەنتسياسىندا تالىپتەردىڭ وكىلى, اقپارات جانە مادەنيەت ءمينيسترىنىڭ ورىنباسارى زابيحۋللا مۋدجاحيد مالىمدەدى, دەپ جازادى Egemen.kz.

اۋعانستاننىڭ ۋاقىتشا ۇكىمەتىنە ەكى جاڭا مينيستر تاعايىندالدى

«پاندجشير پروۆينتسياسىنان كاسىپكەر نۇريددين ازيزي ساۋدا ءمينيسترى بولىپ تاعايىندالدى. ونىڭ ورىنباسارى - باگلاندىق كاسىپكەر موحامماد باشير. دوكتور گالاندار يباد دەنساۋلىق ساقتاۋ مينيسترلىگىن باسقارادى», دەدى «تاليبان» قوزعالىسىنىڭ وكىلى  Ariana News تەلەارناسىنداعى تىكەلەي ەفيردە.

سونىمەن قاتار, راديكالدار اتاقتى ساياساتتانۋشى نازار مۇحاممەد ءمۋتمايندى اۋعانستان ۇلتتىق وليمپيادا كوميتەتىنىڭ باسشىسى ەتىپ, ينجەنەر نادجيبۋللانى اتوم ەنەرگياسى جونىندەگى مەملەكەتتىك اگەنتتىكتىڭ باسشىسى ەتىپ تاعايىندادى.

سونىمەن قاتار, امەريكانىڭ گۋانتانامو تۇرمەسىندە بولعان تالىپتەردىڭ دالا كومانديرى ابدۋل كايۋم زاكير قورعانىس ءمينيسترىنىڭ ورىنباسارى بولدى.

سوڭعى جاڭالىقتار