قر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ زاڭ جوباسىنىڭ نەگىزگى ماقساتتارى جولداردا كولىكتىك باقىلاۋدى اۆتوماتتاندىرۋ, تەڭىز كولىگى سالاسىنداعى حالىقارالىق شارتتاردىڭ نورمالارىن يمپلەمەنتاتسيالاۋ, تەمىرجول كولىگىندەگى وقيعالاردى جانە كەمەلەردە بولعان اۆاريالىق جاعدايلاردى تەرگەۋ ءتارتىبىن جەتىلدىرۋگە ارنالعانىن ايتتى. سونىمەن قاتار, قازاقستان رەسپۋبليكاسى زاڭناماسىن حالىقارالىق ازاماتتىق اۆياتسيا ۇيىمى ستاندارتتارىنىڭ تالاپتارىنا جانە ەۋروپالىق وداقتىڭ اۆياتسيالىق تالاپتارىنا كەلتىرۋ, اۋەايلاق ماڭىنداعى اۋماقتا قىزمەتتى جۇزەگە اسىرۋعا رۇقسات الۋ تەتىگىن رەتتەۋ ەسكەرىلگەن. «جۇكتەردى اۆتوموبيلمەن تاسىمالداۋدىڭ جوعارى قارقىندىلىعى جول توسەمىنىڭ مەرزىمىنەن بۇرىن بۇزىلۋىنا جول بەرمەۋ بويىنشا تۇبەگەيلى شارالاردى قابىلداۋدى تالاپ ەتەدى.
وسى ماقساتتا «2020-2025 جىلدارعا ارنالعان نۇرلى جول» باعدارلاماسى بويىنشا جولداردا كولىك قۇرالدارىنىڭ سالماقتىق جانە گاباريتتىك پارامەترلەرىن ولشەيتىن اۆتوماتتاندىرىلعان ستانتسيالاردى ورناتۋ جوسپارلانۋدا. زاڭ جوباسىندا ولشەۋ ستانتسيالارىن ورناتۋ جانە ولاردىڭ جۇمىس ىستەۋ ءتارتىبىن ايقىندايتىن نورمالار كوزدەلگەن», دەدى ۆيتسە-مينيستر.
ونىڭ ايتۋىنشا, بۇل رەتتە ستانتسيالار ادامنىڭ قاتىسۋىنسىز «سەرگەك» قاعيداتى بويىنشا جۇمىس ىستەيتىن بولادى. ۇسىنىلىپ وتىرعان شارالاردى ىسكە اسىرۋ اۆتوجولداردىڭ ساقتالۋىن قامتاماسىز ەتۋگە, اۋىر سالماقتى كولىكتەردىڭ جول جۇرگەنى ءۇشىن بيۋدجەتكە تۇسەتىن الىمدار ءتۇسىمىن جىل سايىن 1,5 ملرد تەڭگەگە ارتتىرۋعا جانە اۆتوجولداردا كولىكتىك باقىلاۋ جۇرگىزۋ كەزىندە ادامي فاكتوردى بولدىرماۋعا مۇمكىندىك بەرەدى.
«بيىلدىڭ 31 ناۋرىزىندا قازاقستان رەسپۋبليكاسى باتىپ كەتكەن كەمەلەردى شىعارۋ تۋرالى 2007 جىلعى نايروبي حالىقارالىق كونۆەنتسياسىن راتيفيكاتسيالادى. وسىعان بايلانىستى, زاڭ جوباسىندا كەمە يەسىنىڭ سۋعا باتقان م ۇلىكتى كوتەرۋ جونىندەگى ءوزىنىڭ ازاماتتىق-قۇقىقتىق جاۋاپكەرشىلىگىن ساقتاندىرۋ جونىندەگى مىندەتىن بەلگىلەيتىن كونۆەنتسيا تالاپتارىن يمپلەمەنتاتسيالاۋ جونىندەگى نورمالار كوزدەلگەن. ۇسىنىلىپ وتىرعان نورمالار قازاقستانعا سۋعا باتقان كەمەنى كوتەرۋ بويىنشا شىعىنداردى وتەۋ تۋرالى تالاپتاردى تىكەلەي ساقتاندىرۋ كومپانياسىنا ۇسىنۋعا مۇمكىندىك بەرەدى.
قازىرگى تاڭدا قازاقستاننىڭ اۋماقتىق سۋلارىندا باتىپ كەتكەن 10 كەمەنىڭ, ونىڭ ىشىندە يراندىق Tiba قۇرعاق جۇك كەمەسىنىڭ (2015 جىلى باتىپ كەتكەن) جانە رەسەيلىك «اراكس» كەمەسىنىڭ (2016 جىلى باتىپ كەتكەن) قالدىقتارى بار», دەدى ب.كاماليەۆ.
