سۇحبات • 24 قىركۇيەك، 2021

«قازاقستان - ءبىزدىڭ ماڭىزدى سەرىكتەسىمىز» - چجان تسينگو، سەو Huawei Technologies Kazakhstan

225 رەت كورسەتىلدى

اقپاراتتىق-كوممۋنيكاتسيالىق يندۋستريانىڭ، بۇلتتى تەحنولوگيالار مەن جاساندى ينتەللەكتىنىڭ دامۋى الەمدى تسيفرلىق ترانسفورماتسياعا جەتەلەيدى. بۇل وزگەرىستەن قازاقستان قۇر قالمايدى. ويتكەنى ءبىز 5G تەحنولوگياسىن ىسكە قوسۋ قارساڭىندا تۇرمىز. Huawei Technologies Kazakhstan كومپانياسىنىڭ باس ديرەكتورى چجان تسينگو جاڭا بۋىن جەلىسىنىڭ قانداي ەكەنىن جانە 5G ىسكە قوسىلعاننان كەيىن الەم قالاي وزگەرەتىنى جايلى ايتتى.

- چجان تسينگو مىرزا، Huawei Technologies قازاقستاندا نەمەن اينالىسىپ جاتقانىن جانە ول ءوزىن نەگە اقپاراتتىق-كوممۋنيكاتسيالىق تەحنولوگيالار (اكت) نارىعىندا كوشباسشى سانايتىنى تۋرالى ايتىپ بەرىڭىزشى.

- ءبىزدىڭ كومپانيانىڭ قازاقستان نارىعىندا جۇرگەنىنە 14 جىل بولدى. وسى ۋاقىت ىشىندە ءبىز بايلانىس وپەراتورلارىنا، كاسىپورىندار مەن تۇتىنۋشىلارعا اقىلدى قۇرىلعىلاردى، ينفراقۇرىلىمنىڭ وزىق شەشىمدەرىن، باسەكەگە قابىلەتتى ونىمدەر مەن سەرۆيستەر ۇسىنا وتىرىپ، ەلدەگى اكت-نىڭ دامۋىنا ۇلەس قوستىق. ءبىزدىڭ ايتىپ وتىرعانىمىز - بۇلتتى شەشىمدەر، ەلەكترمەن جابدىقتاۋ جانە دەرەكتەردى ساقتاۋ جۇيەسى، بەسىنشى بۋىن جەلىلەرى جانە تاعى باسقالار.

بۇگىنگى تاڭدا HUAWEI كەلەر ۇرپاققا بىركەلكى جانە تۇراقتى ينتەگراتسيانى جەتكىزۋگە باعىتتالعان ءبىرتۇتاس شەشىمدەر ۇسىنۋعا كوڭىل ءبولىپ وتىر. بۇل قولدانۋشىنىڭ ءوسىپ كەلە جاتقان تالاپتارىنا جانە قازاقستاننىڭ ۇلتتىق ستراتەگيالارىنا بەيىمدەلۋ ءۇشىن كەرەك. ال ەڭ باستىسى - قاراپايىم حالىق ومىرىنە تسيفرلاندىرۋ ەنگىزۋ. وعان قوسا، ءبىز قازاقستانداعى ءىرى، ورتا جانە شاعىن كومپانيالاردىڭ ۇزاقمەرزىمدى دامۋى نەگىزىن قالاي وتىرىپ، ءبىر-بىرىمەن ءتيىمدى قارىم-قاتىناس جاساۋى جانە كورپوراتيۆ جەلىنىڭ ءارتۇرلى تالابىنا بەيىمدەلۋى ءۇشىن بارلىق دەڭگەيدەگى كاسىپورىنعا قولداۋ كورسەتەمىز.

2016 جىلى HUAWEI ينتەللەكتۋال الەم تۇجىرىمداماسىن قالىپتاستىرىپ، بۇكىل الەمدەگى سەرىكتەستەرىن ارتاراپتاندىرىلعان جانە گۇلدەنگەن ەكوجۇيەنى بىرگە قۇرۋعا شاقىردى. ءبىز قازىردىڭ وزىندە 5G-گە قاتىستى 50 كەلىسىمشارتقا وتىردىق جانە 150 000-نان استام بازالىق ستانتسيا قويدىق. 5G كوممەرتسيالىق جەلىلەرى بۇكىل الەمدە بەلسەندى قولدانىلا باستاعانىنا كۋا بولىپ وتىرمىز. جىل باسىنان بەرى وڭتۇستىك كورەيا، ۇلىبريتانيا، شۆەيتساريا، يتاليا جانە كۋۆەيت سياقتى كوپتەگەن ەل 5G جەلىلەرىن ىسكە قوستى - ولاردىڭ ۇشتەن ەكىسى HUAWEI تەحنولوگياسى ارقىلى قۇرىلدى.

- قازىر يندۋستريادا جاڭا بۋىن جەلىسىن ەنگىزۋ بەلسەندى تۇردە تالقىلانىپ جاتىر. 5G ءوزىنىڭ الدىڭعى نۇسقالارىنا قاراعاندا نەسىمەن جاقسى ەكەنىن جانە ونىڭ قانداي ارتىقشىلىقتارى بارىن ءتۇسىندىرىپ بەرىڭىزشى. 

- 5G مەن 2G، 3G، 4G اراسىنداعى نەگىزگى ايىرماشىلىقتاردى ءۇشىنشى بۋىن سەرىكتەستىك جوباسىنىڭ حالىقارالىق حاتتاماسىندا بەلگىلەنگەن ءۇش باعىت بويىنشا تۇسىندىرۋگە بولادى: كەڭەيتىلگەن ءموبيلدى كەڭجولاقتى بايلانىس، ماشينادان ماشيناعا تارالاتىن جاپپاي بايلانىس جانە دەرەكتەردى جىبەرۋدە كىدىرىسى تومەن اسا سەنىمدى بايلانىس.

ءبىرىنشى بۋىننان ءتورتىنشى بۋىنعا دەيىنگى ءموبيلدى تەحنولوگيالار ادامدار اراسىنداعى كوممۋنيكاتسياعا باعىتتالعان، ياعني ءموبيلدى كەڭجولاقتى بايلانىسقا نەگىزىدەلگەن. 5G داۋىرىندە «بارلىعىنىڭ ينتەرنەتىن» پايدالانۋ ءۇشىن ءۇشىنشى بۋىن سەرىكتەستىگى جوباسىنا جاپپاي ماشيناارالىق بايلانىس پەن دەرەكتەردى جىبەرۋدە كىدىرىسى تومەن اسا سەنىمدى بايلانىس قوسىلدى. باستىسى، ادامداردى قۇرىلعىلارعا قوسۋ عانا ەمەس، قۇرىلعىلار اراسىنداعى بايلانىس ماڭىزدى. قازىرگى ۋاقىتتا 4G جەلىسىنىڭ سىيىمدىلىعى شەكتەۋلى، سوندىقتان ول «بارلىعىنىڭ ينتەرنەتىنە» جارامايدى. ال 5G جەلىسىنىڭ سىيىمدىلىعىنىڭ كۇرت ارتۋى «بارلىعىنىڭ ينتەرنەتىن» ەنگىزۋگە جاعداي جاسايدى. 5G تەحنولوگياسى ارقاسىندا ادامزات ءبارى ءۇشىن ماڭىزدى سىمسىز جەلىلەردىڭ جاڭا ءداۋىرىن باستايدى.

بايلانىستىڭ 5G مەن الدىڭعى بۋىن اراسىنداعى ەڭ باستى ايىرماسى - 5G وتكىزۋ قابىلەتىن جوعارىلاتادى جانە ونىڭ كىدىرىسى وتە تومەن. وسىلايشا، 5G بايلانىسى بۇكىل سالا تىرەگىنە اينالاتىن رەۆوليۋتسيالىق وزگەرىستەر اكەلەدى.

5G ارتىقشىلىعىنا كەلەر بولساق، ەڭ باستىسى - ونىڭ ەكونوميكانىڭ ماڭىزدى سالالارى دامۋىنا سەرپىن بەرۋ مۇمكىندىگى. بولاشاقتا 5G ومىردەگى بارلىق سالانىڭ اجىراماس بولىگىنە اينالادى، ءبىز ءبىر موبايل تەلەفون ارقىلى عانا قاجەت تاپسىرمالاردى ورىنداي الامىز. مىسالى، تومەن كىدىرىس ارقاسىندا 5G مەديتسينا ماسەلەلەرىن قاشىقتان شەشۋگە كومەكتەسەدى، مۇناي مەن گاز ءوندىرۋ كەزىندە تەز ارەكەت ەتۋگە مۇمكىندىك بەرەدى جانە تاعى باسقا. 

- قازاقستاندا 5G قاشان ىسكە قوسىلادى؟

- قازاقستاندا 5G جەلىسىن جاقىن ارادا ەنگىزۋگە مۇمكىندىك تۋادى دەپ ۇمىتتەنەمىز. بىراق مەنىڭ بىلۋىمشە، ۇكىمەت جوسپارى بويىنشا، بيىل ءۇش ءىرى قالادا 5G پيلوت جوباسى ىسكە قوسىلادى. كوممەرتسيالىق جوبانىڭ ىسكە قوسىلۋى كەلەسى جىلى باستالادى جانە 2 جىلدىق قۇرىلىس كەزەڭىنەن كەيىن 5G تەحنولوگياسىن قازاقستاندا 2023 جىلعا قاراي كەڭىنەن قولدانۋ مۇمكىندىگى پايدا بولادى.

- Huawei Technologies ەلدىڭ شالعاي ايماقتارىن ينتەرنەتكە قوسۋعا قالاي اتسالىسادى؟

- شالعايداعى اۋداندارداعى بايلانىس ماسەلەسىن شەشۋ HUAWEI كوزقاراسىنا ساي كەلەدى. ويتكەنى ءبىز بايلانىسپەن تولىق قامتىلعان جانە ينتەللەكتۋال الەم قۇرۋ ءۇشىن ءار قولدانۋشىعا تسيفرلىق اقپارات جەتكىزۋگە ۇمتىلامىز. سوندىقتان Huawei Technologies كومپانياسى Digital قازاقستان باعدارلاماسىنا بەلسەندى قاتىسىپ جاتىر. باعدارلاما اياسىندا وڭىرلەردى بايلانىسپەن قامتىپ، كەڭجولاقتى ينتەرنەتكە كىرۋ مۇمكىندىگى بار 250-دەن استام جوبا ازىرلەندى. بۇگىنگى تاڭدا 1000-نان استام بازالىق ستانتسيا سالىندى. بۇل جوبالار ءالى دە تۇراقتى تۇردە دامىپ جاتىر. ءوز تاراپىمىزدان قازاقستانعا جوعارى ساپالى قىزمەت كورسەتەمىز. ادامنىڭ ءبارى جاپپاي قول جەتكىزە الاتىن بازالىق كەڭ جولاقتى جەلى قۇرۋعا، قىزمەت كورسەتۋ سالاسىنداعى ءارتۇرلى يننوۆاتسيانى ىنتالاندىرۋعا جانە جالپى اكت يندۋسترياسىن دامىتۋعا كومەكتەسەمىز.

بيىل Huawei Technologies كومپانياسى «قازاقتەلەكوممەن» بىرگە ورتالىق ازيادا ءبىرىنشى، الەمدە العاشقىلاردىڭ ءبىرى بولىپ 2300 مگتس دياپازونىندا FWA-نىڭ تولىق بولىنگەن جەلىسىن ىسكە قوستى. FWA جەلىسىن ورنالاستىرۋ ءۇشىن قازاقتەلەكوم FWA ابونەنتتەرىنە ارنالعان جەلى سىيىمدىلىعىن جانە بولاشاقتا بىرنەشە تاسىمالداۋشىنى بىرىكتىرۋ مۇمكىندىگىن قامتاماسىز ەتەتىن 4T4R بازالىق ستانتسيالارىن پايدالاندى. بۇل جەلى اۋىل تۇرعىندارىنا ينتەرنەتكە سىمسىز قوسىلۋعا مۇمكىندىك بەرەدى. سولايشا، سىم تارتۋ  جەلىلەرى جوق جەكە سەكتوردى قامتۋ ماسەلەسىن شەشەدى. قازىردىڭ وزىندە اقمولا وبلىسىنداعى قوسشى قالاسىندا پيلوت جەلىسى ىسكە قوسىلدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار