مۇرات بايمۇقاشەۆ ىىم باسشىلىعىنىڭ, ىشكى ىستەر ورگاندارى جەكە قۇرامىنىڭ اتىنان قىزمەتتىك مىندەتتەرىن اتقارۋ كەزىندە قازا تاپقان پوليتسەيلەردىڭ تۋىستارى مەن جاقىندارىنا كوڭىل ايتتى.
ىشكى ىستەر ءمينيسترىنىڭ ءوتىنىشى بويىنشا الماتى قالاسىنىڭ اكىمدىگى قازا تاپقان پوليتسيا قىزمەتكەرلەرىنىڭ وتباسىلارىنا تۇرعىن ءۇي بولەدى. سونىمەن قاتار ىشكى ىستەر ءمينيسترىنىڭ بۇيرىعىمەن قايتىس بولعان ۋچاسكەلىك ينسپەكتورلارعا «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالدارىمەن ماراپاتتالدى.
الاتاۋ اۋداندىق پب جپق ۋچاسكەلىك ينسپەكتورى, پوليتسيا مايورى دارحان سۇلەەۆ 1982 جىلى تۋعان, ىشكى ىستەر ورگاندارىندا 2003 جىلدان بەرى قىزمەت ەتكەن. قر ءىىم الماتى اكادەمياسىنىڭ ماگيستراتۋراسىن بىتىرگەننەن كەيىن 2021 جىلدىڭ تامىز ايىندا ۋچاسكەلىك ينسپەكتور لاۋازىمىنا تاعايىندالدى. ءىىو-دا قىزمەت ەتكەن جىلدارى 6 رەت كوتەرمەلەندى, ونىڭ ىشىندە 3-دارەجەلى «ىشكى ىستەر ورگاندارىنداعى ءمىنسىز قىزمەتى ءۇشىن» مەدالىمەن, سونداي-اق «قازاقستان پوليتسياسىنا 25 جىل» توسبەلگىسىمەن ماراپاتتالدى. ۇيلەنگەن, كامەلەتكە تولماعان بەس بالاسى بار.
الاتاۋ اۋداندىق پب جپق ۋچاسكەلىك ينسپەكتورى, پوليتسيا كاپيتانى نۇربول بايعازيەۆ 1988 جىلى تۋعان, ىشكى ىستەر ورگاندارىندا 2014 جىلدان بەرى قىزمەت ەتىپ كەلگەن. 13 رەت ماراپاتتالعان, ونىڭ ىشىندە «ۇزدىك قۇتقارۋشى جاۋىنگەر» جانە «قازاقستان پوليتسياسىنا 25 جىل» توسبەلگىلەرىمەن ماراپاتتالعان. ۇيلەنگەن, كامەلەتكە تولماعان ەكى بالاسى بار.
