بيىل قر پرەزيدەنتى ن.ءا. نازارباەۆتىڭ سەمەي يادرولىق سىناق پوليگونىن جابۋ تۋرالى جارلىعىنا قول قويىلعانىنا 30 جىل تولىپ وتىر. وسى ماڭىزدى وقيعامەن قر ۇلتتىق يادرولىق ورتالىعىنىڭ قۇرىلۋ تاريحى دا تىعىز بايلانىستى. وسى جىلدار ىشىندە قر ۇياو حالىقارالىق قوعامداستىقپەن بىرلەسىپ, بۇرىنعى سەمەي پوليگونى اۋماعىن قاۋىپسىز كۇيگە كەلتىرۋ بويىنشا عىلىمي-تەحنيكالىق جانە ينجەنەرلىك جۇمىستار كەشەنىن وتكىزدى.
بۇگىنگى تاڭدا بۇرىنعى سەمەي پوليگونى اۋماعى كسرو اسكەري-ونەركاسىپتىك كەشەنى ينفراقۇرىلىمىنىڭ يادرولىق قىزمەتىنىڭ زارداپتارىنان تولىق تازارتىلدى دەپ قاناعاتتانعاندىقپەن ايتۋعا بولادى. پوليگون اسكەري قاۋىپ-قاتەر كوزىنەن عىلىمي زەرتتەۋ وبەكتىسىنە اينالدى. پوليگون اۋماعىن كەشەندى ەكولوگيالىق تەكسەرۋ دە اياقتالدى.
«ونلاين» فورماتتا وتكىزىلگەن كونفەرەنتسياعا 20-دان استام ەلدىڭ جەتەكشى ماماندارى قاتىستى. قر ەنەرگەتيكا ءمينيسترى ن.ا. نوعاەۆ, اقش-تىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ۋيليام ح.موزەر, جاپونيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجۋن يامادا, رەسەي فەدەراتسياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى الەكسەي نيكولاەۆيچ بوروداۆكين كونفەرەنتسيا قاتىسۋشىلارىنا قۇتتىقتاۋ سوزدەرىن ارنادى.
ء«بىز قۇرمەتتى قوناقتارىمىزعا كونفەرەنتسياعا قاتىسقاندىقتارى ءۇشىن, سونداي-اق قازاقستاننىڭ حالىقارالىق قوعامداستىقپەن بىرلەسىپ جۇرگىزگەن بۇرىنعى سەمەي سىناق پوليگونى اۋماعىن قاۋىپسىز كۇيگە كەلتىرۋگە مۇمكىندىك بەرگەن عىلىمي-تەحنيكالىق جانە ينجەنەرلىك جۇمىستاردى جوعارى باعالاعانى ءۇشىن العىسىمىزدى بىلدىرەمىز», دەپ اتاپ ءوتتى قر ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆ.
كونفەرەنتسيادا اتوم ەنەرگەتيكاسىن دامىتۋدىڭ قازىرگى زامانعى بەتالىسى مەن كەلەشەگى, باسقارىلاتىن تەرمويادرولىق سينتەز تەحنولوگيالارى, رادياتسيالىق ەكولوگيا جانە مەديتسينا, يادرولىق قارۋدى تاراتپاۋ رەجيمىن نىعايتۋ تاقىرىپتارى بويىنشا اۋقىمدى ماسەلەلەر قاراستىرىلدى.
