الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ اتىس كەزىندە قايتىس بولعان بەسىنشى ادام تۋرالى ايتتى.
«بەسىنشى ادام - ءۇيدى ساتىپ العان كىسىنىڭ دوسى. ول كۋاگەر رەتىندە بىرگە كەلگەن», دەدى قانات تايمەردەنوۆ ارنايى بريفينگتە.
بۇعان دەيىن دەپارتامەنت باسشىسى, اتالعان دەرەك بويىنشا ەكى قىلمىستىق ءىس قوزعالعانى تۋرالى ءمالىم ەتكەن ەدى. سونىمەن قاتار, باقىتجان ساعىنتاەۆ ولاردىڭ وتباسىنا ءتيىستى كومەك كورسەتىلەتىنى تۋرالى ايتقان بولاتىن. كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.
ايتا كەتەيىك, وسىعان دەيىن الماتىدا اتىس بولىپ, 5 ادامنىڭ قازا تاپقانىن حابارلاعان بولاتىنبىز.
اتالعان جاعداي بويىنشا سوتقا دەيىنگى تەرگەۋ امالدارى باستالدى. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.
