بيىل WORLD ENERGY WEEK العاش رەت ورتالىق ازيادا - قازاقستان رەسپۋبليكاسىنىڭ استاناسى – نۇر-سۇلتان قالاسىندا وتكىزىلگەلى وتىر.
ءىس-شارانىڭ نەگىزگى ماقساتى - تۇراقتى دامۋعا جانە ەنەرگيانى ادامزات يگىلىگى ءۇشىن پايدالانۋعا جاردەمدەسۋ. 2021 جىلعى دۇنيەجۇزىلىك ەنەرگەتيكالىق اپتانى قازاقستان رەسپۋبليكاسىنىڭ ۇلتتىق كوميتەتى وتكىزەدى. اپتالىق باعدارلاما جاھاندىق ەنەرگەتيكالىق قوعامداستىق ءۇشىن اۋقىمدى ءىس-شارالار مەن جەلىلىك مۇمكىندىكتەردى, سونىڭ ىشىندە سالالىق مينيسترلىكتەردىڭ باسشىلارى, ترانسۇلتتىق كورپوراتسيالار مەن حالىقارالىق ۇيىمداردىڭ باسشىلارى, ەنەرگەتيكا سالاسىنداعى كوشباسشىلار مەن ساراپشىلاردىڭ كەڭ اۋديتورياسى جينالاتىن جوعارى دەڭگەيدەگى ەكسكليۋزيۆتى وتىرىستاردى ۇسىنادى. بۇل ۇلتتىق, وڭىرلىك جانە جاھاندىق دەڭگەيلەردە ورنىقتى ەنەرگەتيكالىق جۇيەلەردى قۇرۋ ءۇشىن ەنەرگەتيكا ماسەلەلەرى بويىنشا پىكىرسايىستار مەن اشىق ديالوگقا ىقپال ەتەتىن بولادى.
ەnergy for better lives/ەنەرگەتيكا - ادامزات يگىلىگى. تاقىرىپ حالىقارالىق قوعامداستىقتىڭ ەنەرگەتيكالىق قاۋىپسىزدىكتى, دەكاربونيزاتسيانى جانە تومەن كومىرتەكتى دامۋدى قامتاماسىز ەتۋگە دەگەن ۇمتىلىسىن كورسەتەدى. تاقىرىپتى تاڭداۋ سونىمەن قاتار سOVID-19 پاندەمياسىنان تۋىنداعان الەمدىك داعدارىستى ەڭسەرۋگە جانە ادامداردىڭ ءومىرىن جاقسارتۋعا باعىتتالعان كۇش-جىگەرمەن بايلانىستى.
XIV ەۋرازيالىق kazenergy فورۋمى 14 جىلدىق تاريحىندا KAZENERGY ەۋرازيالىق فورۋمى ايماقتاعى ەنەرگەتيكالىق سەكتوردىڭ باستى حالىقارالىق وقيعاسىنا اينالدى. فورۋم ەنەرگەتيكالىق نارىقتارعا قاتىسۋشىلار اراسىندا ءتيىمدى ديالوگتى قامتاماسىز ەتۋگە, ەنەرگەتيكالىق جۇيەنى دامىتۋدىڭ وزەكتى ۇردىستەرى مەن باعىتتارىن قاراۋعا ارنالعان.
فورۋم بارىسىندا قر تاۋەلسىزدىگىنىڭ 30 جىلدىعىن مەرەكەلەۋ اياسىندا XIV ەۋرازيالىق Kazenergy فورۋمى الاڭىندا بىرقاتار پرەزەنتاتسيالار مەن وقيعالار وتەدى: «قازاقستاننىڭ مۇنايى مەن گازى – تاۋەلسىزدىكتىڭ 30 جىلى: جاسامپازدىق جولى» كىتابىنىڭ تۇساۋكەسەرى دەرەكتى ءفيلمنىڭ تۇساۋكەسەرى (بەس فيلمنەن تۇراتىن سەريا) قر تاۋەلسىزدىگىنىڭ 30 جىلدىعىنا ارنالعان ارنايى كونفەرەنتسيا.
سونداي–اق, قازاقستاننىڭ وتىن-ەنەرگەتيكا سەكتورىنىڭ اعىمداعى جاي-كۇيى مەن دامۋ پەرسپەكتيۆالارىن نەعۇرلىم جان-جاقتى تالداۋ-V ۇلتتىق ەنەرگەتيكالىق بايانداما ۇسىنىلادى. ءىس-شاراعا قاتىسۋ ءۇشىن http://kazenergyforum.com سايتىنا كىرىپ, تىركەلۋگە بولادى. دۇنيەجۇزىلىك ەنەرگەتيكالىق كەڭەس (World Energy Council) - 1923 جىلى قۇرىلعان ءىرى ەنەرگەتيكالىق حالىقارالىق ۇكىمەتتىك ەمەس ۇيىم. دەك قۇرامىنا مەملەكەتتىك بيلىك ورگاندارىن, ونەركاسىپتىك جانە ساراپشىلىق ۇيىمداردى قوسا العاندا, 300-دەن استام ۇيىمنىڭ اتىنان وكىلدىك ەتەتىن 90-نان استام ۇلتتىق كوميتەت كىرەدى.
جىل سايىن كەڭەس الەمدىك ەنەرگەتيكا كوشباسشىلارىنىڭ جاھاندىق ءىس–شاراسى - WORLD ENERGY WEEK وتكىزەدى.
