ارالاس فورماتتا وتەتىن اۋقىمدى شاراعا جۇزدەن استام ەلدىڭ مەملەكەت, ۇكىمەت باسشىلارى قاتىسادى.
«ۇيقىدان ويانىپ دابىل قاعاتىن مەزگىل جەتتى» دەگەن ۇرانمەن وتكەلى وتىرعان باسقوسۋدا باستى ءۇش تاقىرىپ تالقىلانباق. ولار – كليماتتىڭ وزگەرۋى, كوروناۆيرۋسقا قاتىستى احۋال جانە اۋعانستانداعى جاعداي.
بۇگىن بۇۇ باس حاتشىسى انتونيۋ گۋتەرريش دەلەگاتتار الدىندا ءسوز سويلەيدى. ال قىركۇيەكتىڭ 23-ءى كۇنى كليماتتىڭ وزگەرۋى قاۋىپسىزدىك كەڭەسىنىڭ ارنايى وتىرىسىندا تالقىلانادى. كەشە ۇلىبريتانيا ۇكىمەت باسشىسىنىڭ ۇيىمداستىرۋىمەن ماسەلەگە قاتىستى كونفەرەنتسيا ءوتتى. جوعارى دەڭگەيدەگى اپتالىققا بايلانىستى قاۋىپسىزدىك شارالارى دا كۇشەيتىلگەن. عيمارات ورنالاسقان اۋدانداعى كوشەلەردىڭ كوبى جابىلىپ, تەكسەرۋ بەكەتتەرى قويىلعان.
