«قالانىڭ ەنەرگەتيكا سالاسىنداعى دامۋ الەۋەتى جوعارى. كەشەندى جوسپارداعى 114 ءىس-شارانى ىسكە اسىرۋ وبلىستىڭ دامۋىنا جاڭا سەرپىن بەرەدى. نەگىزگى كاپيتالعا ينۆەستيتسيالار بەس ەسەگە ۇلعايادى جانە 2025 جىلى 737 ملرد تەڭگەنى قۇرايتىن بولادى. تۇرعىن ءۇي جانە باسقا دا ينفراقۇرىلىمدى, الەۋمەتتىك سالانى دامىتۋعا, ەكولوگيالىق پروبلەمالاردى شەشۋگە باعىتتالعان جوبالار ىسكە اسىرىلادى», دەگەن ۇكىمەت باسشىسى كەشەندى جوسپاردىڭ ماقۇلداناتىنىن ايتتى.
«بۇل قۇجاتتى ماقۇلدايمىز. ۇلتتىق ەكونوميكا مينيسترلىگى مەن پاۆلودار وبلىسىنىڭ اكىمدىگى مۇددەلى مەملەكەتتىك ورگاندارمەن بىرگە جوسپار ءىس-شارالارىنىڭ ۋاقتىلى ورىندالۋىن قامتاماسىز ەتسىن», دەدى اسقار مامين.
