قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ رەسەي فەدەراتسياسىنىڭ قورعانىس ءمينيسترى سەرگەي شويگۋمەن كەزدەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ رەسەي فەدەراتسياسىنىڭ قورعانىس ءمينيسترى سەرگەي شويگۋمەن كەزدەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
اڭگىمەلەسۋ بارىسىندا قازاقستان مەن رەسەي اراسىنداعى اسكەري جانە اسكەري-تەحنيكالىق ەكىجاقتى ىنتىماقتاستىقتى نىعايتۋدىڭ نەگىزگى باعىتتارى تالقىلاندى.
نۇرسۇلتان نازارباەۆ قورعانىس ءمينيسترىنىڭ ساپارى رەسەي فەدەراتسياسى پرەزيدەنتى ۆلاديمير پۋتينمەن بۇدان بۇرىن قول جەتكىزىلگەن ۋاعدالاستىقتار اياسىندا جۇزەگە اسىرىلىپ وتىرعانىن اتاپ ءوتتى.
– قازىرگى ۋاقىتتا بارلىق ءماسەلەلەر ءبىزدىڭ ەلدەرىمىز اراسىنداعى دوستىق جانە سەنىمدى بايلانىستار ارناسىندا شەشىمىن تابۋدا. سوندىقتان بۇل ساپار ىنتىماقتاستىعىمىزدى ودان ءارى نىعايتۋعا دا قىزمەت ەتەدى, – دەدى مەملەكەت باسشىسى.
س.شويگۋ كەزدەسۋ ءۇشىن العىس ايتا وتىرىپ, قازاقستاننىڭ قورعانىس مينيسترلىگى باسشىلىعىمەن جۇرگىزىلگەن كەلىسسوزدەر تۋرالى ايتتى.
مەملەكەت باسشىسى مەن رەسەي قورعانىس ءمينيسترى ەكى ەلدىڭ قورعانىس سالاسىنداعى ءوزارا ىقپالداستىعى قارقىندى دامىپ كەلە جاتقانىن اتاپ ءوتىپ, ءتيىستى كەلىسىمدەردى ودان ءارى ىسكە اسىرۋدىڭ نەگىزگى جولدارىن بەلگىلەدى.
-----------------------------------------
سۋرەتتەردى تۇسىرگەندەر
س.بوندارەنكو, ب.وتارباەۆ.
